Трамп расказаў пра генерала, праз якога танкі Расеі не трапілі ў Кіеў

Прэзідэнт ЗША заявіў, што гэтага расейскага генерала ўжо няма ў жывых.

Прэзідэнт ЗША Дональд Трамп мяркуе, што Кіеў не быў узяты расейскім войскам праз памылкі камандавання, якое аддало загад расейскай бронятэхніцы перасоўвацца не па дарогах, а па палях. Пра гэта ён заявіў на брыфінгу.

«Танкі былі б у Кіеве за чатыры гадзіны, калі б ехалі па трасе. Але расейскі генерал прыняў бліскучую пастанову праехаць праз сельскагаспадарчыя ўгоддзі, і там проста былі ліўневыя дажджы, такія моцныя, і быў бруд, і гэтыя танкі захраслі ў брудзе», – сказаў Трамп.

Ён дадаў, што не ведае, хто з расейскага вайсковага кіраўніцтва аддаў гэты загад.

«Я не ведаю, хто гэты генерал, але, ведаючы Уладзіміра, яго, верагодна, ужо няма ў жывых», – адзначыў прэзідэнт.

Далей, на меркаванне амерыканскага лідара, украінскія вайскоўцы знішчылі бронятэхніку, якая спынілася, з дапамогай ракетных комплексаў Javelin, дадзеных Трампам.

«Javelin называюць танкаборцам. Кажуць, што Абама даў ім прасціны, а я даў ім Javelin. Калі б не я, усе тыя танкі, якія былі знішчаныя ў першыя дні вайны, былі б у Кіеве», – заявіў амерыканскі лідар.

Ён адзначыў, што «не быў мілым з Пуціным», даўшы Украіне супрацьтанкавую зброю, але, нягледзячы на гэта, у яго былі «выдатныя стасункі» з расейскім дыктатарам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com