ЕЗ дасць Украіне 1,6 млрд еўраў

З прыбыткаў ад расейскіх замарожаных актываў.

Еўрапейскі Звяз вылучыць Украіне 1,6 мільярда еўраў, атрыманых з прыбыткаў ад расейскіх замарожаных актываў. Пра гэта паведамілі ў Еўрапейскай Камісіі ў панядзелак, 11 жніўня.

У заяве гаворыцца, што Еўразвяз атрымаў так званыя залішнія прыбыткі ад замарожаных актываў Цэнтральнага банка Расеі ў мінулую пятніцу, 8 жніўня, што ўжо з'яўляецца трэцім пераводам ЕЗ.

У Еўракамісіі адзначылі, што 90% першых двух траншаў даваліся на падтрымку Украіны праз Еўрапейскі фонд міру (EPF), а 10% – праз Ukraine Facility. Аднак пачынаючы з трэцяга траншу 95% паступленняў будзе накіравана на падтрымку Украіны праз Механізм крэдытнага супрацоўніцтва з Украінай (ULCM), а 5% – праз EPF.

Як растлумачылі ў Еўракамісіі, ULCM аказвае дапамогу Украіне для пагашэння крэдытаў ад ЕЗ і іншых двухбаковых крэдытораў. У той самы час EPF дапамагае Украіне задаволіць яе надзённыя вайсковыя і абаронныя запатрабаванні.

ЕЗ разам з краінамі G7 і Аўстраліяй замарозілі блізу $280 млрд расейскіх актываў у выглядзе каштоўных папераў і гатоўкі, пераважна праз бельгійскую клірынгавую палату Euroclear.

Паводле звестак Міністэрства фінансаў ЗША, санкцыі супраць уплывовых расейскіх асобаў дадаткова замарозілі актывы памерам блізу $58 млрд, у тым ліку элітную нерухомасць, яхты і прыватныя самалёты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com