Беларускія памідоры адправяць у космас

Навошта?

Беларускія таматы з Іўя паляцяць у космас. Для чаго насенне надумалі адправіць за межы зямлі, расказалі ў эфіры дзяржаўнай ТВ.

Экспэрымент будуць праводзіць над памідорамі гатунку «Данецкія», яны вельмі папулярныя ў мясцовых. Іх вырошчваюць і цэняць за цёмна-чырвоны колер, мясістасць і насычаны смак, піша tochka.by.

Памідоры з Іўя выбралі зусім не выпадкова. Прадстаўнік Расейскай акадэміі касманаўтыкі родам з гэтага горада. Ён падумаў, што таматы з ягонай малой радзімы, якую ўжо даўно называюць памідорнай сталіцай Беларусі, павінны абавязкова трапіць на борт біяспадарожніка.

Далей трэба было адабраць найлепшае насенне прапанаванага гатунку. Працэс доўжыўся некалькі месяцаў: патрэбныя памідоры выбіралі на агародах у мясцовых жыхароў.

Як распавяла жыхарка Іўя Ірына Велента, чый агарод у выніку і стаў асновай экспэрыменту, насенне дасталася ёй ад свякрухі. Гатунак даволі нізкарослы, непатрабавальны ў адкрытым грунце.

«Цяпер мае памідоры, якія я захавала, стануць прыярытэтам. Спадзяемся, што дзякуючы касмічнай атмасферы яны стануць яшчэ больш прадуктыўнымі», - распавяла Ірына.

Насенне адправяцца ў космас ужо ў сярэдзіне жніўня. Касмічны апарат будзе знаходзіцца на палярнай арбіце, дзе падвышаны ўзровень радыяцыі. Навукоўцы мяркуюць, што гэта можа асаблівым чынам адбіцца на жывых клетках і насенні.

Пасля іх вяртання на зямлю памідоры высадзяць на прышкольным участку мясцовай гімназіі, каб вывучыць, як касмічныя ўмовы паўплывалі на ўсходжасць, рост і ўстойлівасць раслін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com