Сэнатар Грэм паабяцаў стварыць санкцыі, якія знішчаць Расею
16- 12.08.2025, 14:02
- 5,686
Фота Reuters
Украіну павінна абараняць «кааліцыя ахвочых».
Амерыканскі сэнатар-рэспубліканец Ліндсі Грэм заявіў, што дапаможа знішчыць краіну-агрэсарку Расею, калі яна яшчэ раз уварвецца ва Украіну пасля імавернага замірэнне. Пра гэта ён сказаў у эфіры Fox News, апублікаваным на YouTube 12 жніўня.
Паводле ягоных слоў, Вашынгтон хоча быць упэўненым, што прэзідэнт ЗША Дональд Трамп не толькі скончыць вайну, але і пакладзе ёй канец назаўжды.
"Парада, якую я даў бы прэзідэнту Трампу: не рабіце тое, што рабілі [экс-прэзідэнты ЗША Джо] Байдэн і [Барак] Абама. Выразна дайце зразумець [нелегітымнаму прэзідэнту РФ Уладзіміру] Пуціну: вы тут не для таго, каб зняважыць Расею, вы тут, каб скончыць вайну. Будуць абмены тэрыторыямі. Украіна не зможа выгнаць кожнага расейскага жаўнера [вайскоўца], а Расея не збіраецца браць Кіеў. Прыйшоў час скончыць гэтую вайну годна і справядліва”, – заявіў ён.
Ён дадаў, што еўрапейцы павінны забяспечыць бяспеку Украіны, і ў такім выпадку калі Пуцін зноў уварваецца, то ён будзе ваяваць з “кааліцыяй ахвотных”, а не толькі з Украінай.
“І я магу дапамагчы: я ствару папярэднія санкцыі, якія знішчаць Расею ў выпадку трэцяга ўварвання. Усё гэта разам будзе прадухіляць трэцяе ўварванне, закончыць вайну годна і справядліва, і Кітай за гэтым назірае. Я не магу ўявіць лепшага чалавека на планеце, якога можна пасадзіць за стол перамоў з Пуціным, чым Трамп. У яго ёсць стасункі з прэзідэнтам Пуціным, і гэта добра”, – заявіў Грэм.
Сэнатар падкрэсліў, што прычына, па якой Пуцін будзе весці перамовы на Алясцы, палягае ў тым, што Трамп абвясціў, што збіраецца прадаваць зброю Еўропе, каб дапамагчы Украіне, і гэта занепакоіла Пуціна.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
