Politico: Еўропе ўдалося паўплываць на Трампа

Ігнараваць ЕЗ у ЗША не выйдзе.

Насуперак таму, што еўрапейскія лідары не будуць прысутнічаць на саміце на Алясцы 15 жніўня, яны імкнуцца паўплываць на вынік мірных перамоў аб Украіне, і дамагаюцца пэўных поспехаў.

Пра гэта ў аўторак, 12 жніўня, піша Politico, аналізуючы ролю Еўропы ў заканчэнні вайны Расеі супраць Украіны.

Еўропа патрабуе, каб прэзідэнт ЗША Дональд Трамп на сустрэчы з расейскім дыктатарам Уладзімірам Пуціным абараняў інтарэсы Украіны і бяспеку Еўропы. Прэзідэнт ЗША пасля свайго вяртання ў Белы дом адкрыта пазбягае еўрапейцаў, аднак, канстатуе выданне, супрацоўніцтва і фінансавая вага блока маюць найважнейшае значэнне для абароны амерыканскіх інтарэсаў ва Украіне.

Ніхто з Еўропы не быў запрошаны на перамовы на Алясцы, у той жа час тэлефонная размова Трампа з ключавымі еўрапейскімі лідарамі і яго абяцанні вярнуць Украіне частку зямель сведчаць аб тым, што «Еўропа выкарыстоўвае пэўныя вагары ціску».

Цяпер еўрапейскія краіны з'яўляюцца ключавой крыніцай фінансавай і вайсковай падтрымкі Украіны, паказвае Politico. Таксама яны валодаюць дзясяткамі мільярдаў еўраў замарожаных расейскіх актываў, якія маюць вызначальнае значэнне для доўгатэрміновага мірнага ўрэгулявання.

«Абодва гэтыя чыннікі перашкаджаюць Трампу ігнараваць еўрапейскі бок», - падкрэсліваецца ў артыкуле.

Аналізуючы апошнія заявы лідараў ЕЗ, выданне паказвае, што еўрапейцы становяцца ўсё больш упэўненымі ў агучванні сваёй пазіцыі ў пытанні ўрэгулявання вайны РФ супраць Украіны.

Politico таксама паказвае, што нягледзячы на тое, што Трамп не жадае казаць пра гарантыі бяспекі, ягоная пазіцыя аб Украіне паступова набліжаецца да еўрапейскай пасля месяцаў безвыніковых кантактаў з Крамлём.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com