Модзі: Індыя мае намер умацоўваць сувязі з Украінай

Прэм'ер-міністр Індыі і прэзідэнт Украіны правялі двухбаковую сустрэчу.

Прэм'ер-міністр Індыі Нарэндра Модзі заявіў аб прыхільнасці ўмацаванню стасункаў з Украінай і заклікаў да мірнага ўрэгулявання вайны з Расеяй.

Пра гэта ён напісаў у сацсетцы X пасля размовы з прэзідэнтам Украіны Уладзімірам Зяленскім, піша Bloomberg (пераклад - сайт Charter97.org).

«Індыя па-ранейшаму гатовая зрабіць усякі магчымы ўнёсак у гэты працэс, а таксама да далейшага ўмацавання двухбаковых сувязей з Украінай», - падкрэсліў Модзі.

Са слоў Зяленскага, стораны дамовіліся аб асабістай сустрэчы ў верасні ў рамках Генеральнай Асамблеі ААН. Лідары абмеркавалі санкцыі супраць Расеі, у тым ліку абмежаванні на экспарт яе энэргарэсурсаў, асабліва нафты. Прэзідэнт Украіны таксама паведаміў, што праінфармаваў Модзі аб апошніх расейскіх атаках.

Індыя традыцыйна падтрымлівае цесныя сувязі з Расеяй і захоўвае нейтралітэт у канфлікце, аднак гэтыя сувязі апынуліся пад ціскам ЗША. Раней прэзідэнт ЗША Дональд Трамп запатрабаваў, каб Індыя спыніла закупы расейскай нафты зніжанымі коштамі, і прыстрашыў тарыфамі да 50% на тавары з краіны.

Індыйскія ўлады заяўляюць, што закупы нафты ў Расеі дапамагаюць стабілізаваць сусветны рынак і прадухіляюць дэфіцыт паставак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com