Зяленскі надумаў змякчыць абмежаванні на выезд моладзі з Украіны

Украінцам да 22 гадоў дазволяць выезд за мяжу.

Уладзімір Зяленскі выступіў за зняцце абмежаванняў на выезд за мяжу грамадзян Украіны да 22 гадоў. Выступаючы ў аўторак, 12 жніўня, на форуме «Моладзь тут», прэзідэнт паведаміў, што даручыў Кабінету Міністраў «разам з вайсковым камандаваннем прапрацаваць магчымасць спрасціць перасячэнне дзяржаўнай мяжы для маладых украінцаў».

Зяленскі нагадаў, што цяпер выезд з краіны ўкраінскіх мужчын абмежаваны ўжо з 18 гадоў. Кіраўнік дзяржавы прапанаваў падвысіць гэты ўзроставы парог. З ягоных слоў, гэта дапаможа маладым людзям захаваць сувязі ва Украіне, а таксама «рэалізавацца ў навучанні ва Украіне».

Пасля абвяшчэння Украінай ваеннага становішча праз поўнамаштабнае ўварванне РФ у лютым 2022 года ўкраінскім мужчынам ад 18 да 60 гадоў забаранілі пакідаць краіну.

Выключэнні зроблены для мужчын з інваліднасцю, бацькоў непаўналетніх дзяцей з інваліднасцю, валанцёраў, а таксама мужчын, якія маюць на ўтрыманні трох непаўналетніх дзяцей. Акрамя таго, за мяжу могуць выязджаць студэнты ўкраінскіх ВНУ на адзін семестр паводле праграм акадэмічнай мабільнасці.

Ва Украіне не ўпершыню абмяркоўваюць змякчэнне забароны на выезд мужчын за мяжу. У ліпені спікер Вярхоўнай рады Руслан Стэфанчук паведамляў аб абмеркаванні падвышэння гранічнага ўзросту да 24 гадоў. У траўні дэпутат Фёдар Веніслаўскі заяўляў, што Рада можа дазволіць выезд за мяжу для ўкраінцаў ва ўзросце да 23-24 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com