У Берасці затрымалі чыноўніка абласной управы аховы здароўя

У гісторыі фігуруе «дапамога» ў прасоўванні па кар'ернай лесвіцы.

Супрацоўніка Галоўнай управы аховы здароўя Берасцейскага аблвыканкама затрымалі за хабар, паведамілі ў МУС.

56-гадовы мужчына, будучы службовай асобай, прыняў ад 42-гадовай жанчыны-медработніка амаль тры тысячы рублёў за прасоўванне яе па кар'ернай лесвіцы.

«Паводле аператыўнай інфармацыі, гэты выпадак не адзінкавы, устанаўліваюцца іншыя эпізоды злачыннай дзейнасці фігуранта», — распавялі ў МУС.

Следчымі распачатая крымінальная справа за атрыманне хабару. Затрыманы змешчаны ў ІЧУ.

Паводле інфармацыі Берасцейскага аблвыканкама, у Галоўнай управе аховы здароўя працуе тры чалавекі. З іх двое мужчын: намеснік начальніка ведамства Дзмітрый Гарагляд сярэдняга ўзросту і кіраўнік абласной управы Віктар Міхайлоўскі, якому ў чэрвені споўнілася 55 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com