Латвія хоча абмежаваць аўтобуснае злучэнне з Беларуссю і Расеяй

Абмежаванні закрануць асноўныя пункты пропуску.

Міністэрства транспарту Латвіі хоча абмежаваць перасячэнне сваёй мяжы пасажырскімі аўтобусамі з Беларусі і Расеі. Пра гэта паведамляе Delfi.

Ведамства падрыхтавала адпаведны дакумент, які цяпер вынесены на публічнае абмеркаванне.

«Міністэрства транспарту супольнав з аўтатранспартнай дырэкцыяй і ў кансультацыі з Міністэрствам унутраных спраў сабралі звесткі, якія паказваюць рост колькасці пасажыраў у аўтобусных перавозках у Беларусь і Расею. Такая сітуацыя ўзмацняе рызыкі бяспекі на вонкавай мяжы дзяржавы, таму падрыхтаванае нарматыўнае рэгуляванне, якое прадугледжвае абмежаванні ў пасажырскіх перавозках у Беларусь і Расею», — патлумачыў неабходнасць распрацоўкі ўрадавага распараджэння міністр транспарту Аціс Швінка.

Мяркуецца, што забарона ўвойдзе ў дзеянне з 15 кастрычніка. Перастаць прапускаць аўтобусы з беларускага боку прапануецца ў пункце пропуску «Грыгароўшчына», з расейскага — «Бурачкі» і «Убылінка».

«Адначасова будуць захаваныя мінімальныя і рэгуляваныя магчымасці перамяшчэння пасажыраў з выкарыстаннем рэгулярных аўтобусных перавозак, арганізаваных у адпаведнасці з умовамі двухбаковых міжурадавых пагадненняў і нацыянальнымі нарматыўнымі актамі Латвійскай Рэспублікі», — адзначаюць ва ўстанове.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com