У Гомельскай вобласці зачынілі мясны завод
3- 13.08.2025, 21:08
- 8,634
Нямытыя нажы, брудная падлога – гэта толькі частка парушэнняў.
У Гомельскай вобласці прыпынілі працу мясаперапрацоўчага цэха. Даведаліся падрабязнасці.
На прадпрыемства наведаліся спецыялісты Дзяржкантролю, а разам з імі – санітарная і ветэрынарная службы. Высветлілася, парушэнняў мора.
Па-першае, на сыравіну не было дакументаў.
Па-другое, не выконваліся ўмовы захоўвання гатовай прадукцыі. Напрыклад, «ахалоджанка» знаходзілася ў памяшканні, дзе тэмпература складала 12°C (замест 4±2°C).
Акрамя таго, вытворчыя і побытавыя памяшканні былі ў жахлівым стане. Зафіксаванае і незахаванне рэжыму санітарнай апрацоўкі інвентару.
«Таксама парушаліся ветэрынарна-санітарныя правілы ў частцы забеспячэння ідэнтыфікацыі і нагляду за прадукцыяй, захоўвання мясной прадукцыі», – расказалі ў КДК.
У выніку цэхі закрылі да ўхілення ўсіх недахопаў.
За 5 месяцаў 2025 года Камітэтам дзяржкантролю праверана больш за 2,2 тыс. гандлёвых аб'ектаў. Пра вынікі рэйдаў расказвала кіраўніца ўправы кантролю спажывецкага рынку, сферы паслуг і абароту падакцызных тавараў КДК Алена Масурноўская.
Правяральнікі звярталі ўвагу на захаванне дысцыпліны коштаў, якасць прадукцыі, яе наяўнасць у крамах. Асаблівы кантроль – за прадуктамі штодзённага попыту, а цяпер – і за гароднінай, сезон якіх ужо наступіў.
У больш як 10% выпадкаў кантралёры выдалі 284 рэкамендацыі. Аднак былі і абуральныя парушэнні. Звычайна яны датычацца бяспекі або здароўя грамадзянаў. Напрыклад, наяўнасць антысанітарыі і пратэрмінаваных тавараў.
Такіх аб'ектаў правяральнікі налічылі 69, і праца іх была часова прыпыненая. У тым ліку шэсць пунктаў спынілі сваю дзейнасць праз завышэнне коштаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
