ЗША запусцілі на арбіту навігацыйны спадарожнік упершыню за амаль 50 гадоў

Спадарожнік закліканы выпрабаваць ключавыя тэхналогіі для будучых вайсковых сістэмаў GPS.

Пентагон вывеў на арбіту апарат NTS-3 з дапамогай новай ракеты-носьбіта Vulcan кампаніі United Launch Alliance. Запуск ажыццёўлены са стартавай пляцоўкі на мысе Канаверал. Спадарожнік коштам блізу $250 млн, распрацаваны кампаніяй L3Harris, закліканы выпрабаваць ключавыя тэхналогіі для будучых ваенных сістэмаў GPS, паведамляе Defence One.

Падчас місіі адмыслоўцы ацэняць працу кіраванай антэны для перадачы сігналаў ва ўмовах перашкодаў, аўтаномную працу без камандаў з Зямлі, магчымасць дыстанцыйнага перапраграмавання ПЗ і абарону ад спуфінгу – кібератакі, пры якой імітуецца сігнал спадарожніка для падману прымальніка канчатковага карыстальніка фальшывымі звесткамі. Як адзначаюць у Пентагоне, мэта запуску – павышэнне ўстойлівасці ваеннай навігацыі і стварэнне якасна новых магчымасцяў для больш дакладнага пазіцыянавання прымальнікаў сігналу.

У адрозненне ад звычайных спадарожнікаў GPS, якія знаходзяцца на сярэдняй калязямной арбіце, NTS-3 выведзены на геастацыянарнай арбіту. Ключавы эксперымент – адпрацоўка канцэпцыі шматарбітальнай групоўкі з супольным выкарыстаннем сігналаў з розных вышыняў. Місія прадоўжыцца блізу года, у рэальных аперацыях спадарожнік задзейнічаны не будзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com