У Беларусі сур'ёзна падаражэе яшчэ адзін папулярны прадукт

Прычына ўсяму – вясновыя замаразкі і летнія дажджы.

Зацяжная вясна і травеньскія замаразкі сур'ёзна паўплывалі на сельскую гаспадарку. Фермеры могуць недалічыцца бульбы і іншай гародніны. Ударыла надвор'е і па пчалярах. Спецыялістка расказала, ці паднімуцца сёлета кошты мёду.

Старшыня рэспубліканскай ГА «Беларускія пчаляры» Настасся Хаўрук называе гэты год вельмі цяжкім. Прычына – складаныя ўмовы надвор'я.

«Што не змерзла, то, як кажуць, заліло вадой… Потым далей пайшлі праліўныя дажджы. Адзін дзень пчолы працуюць, два-тры дні сядзяць у вуллях і з'ядаюць тое, што прынеслі», – расказала яна.

Прагнозы ў Настассі песімістычныя. Яна мяркуе, што медазбор будзе ў два-тры разы меншы чым звычайна. Прытым працаваць даводзілася шмат. У выніку гэта адаб'ецца на кошце.

Хаўрук успамінае: раней меркавалася, што кілаграм мёду павінен каштаваць $10. Была і іншая падобная формула: 1 кг гэтага прадукту роўны кошту 10 кг цукры.

Цяпер іншыя правілы. Прычым у пчаляроў, якія працуюць на сваіх пчальніках, і ў тых, хто вырабляе мёд у прамысловых маштабах, яны розныя. Апошнія аптымізуюць працу за кошт сучасных тэхналогій, гэта дае магчымасць зменшыць працазатраты і зрабіць аптовыя кошты ніжэйшымі за рынкавыя.

Аднак у 2025 годзе несалодка ўсім. Настасся не называе канкрэтных сумаў, але відавочна, што мёд для спажыўцоў падаражэе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com