Беларус «выправіў» пасведчанне кіроўцы асадкай

Ён хацеў прадоўжыць тэрмін дзеяння дакумента.

Даволі незвычайны выпадак адбыўся ў Менску. Дэталямі гісторыі падзяліўся Дзяржаўны камітэт судовых экспертыз Беларусі.

Аднойчы супрацоўнікі ДАІ спынілі для праверкі дакументаў 63-гадовага мужчыну.

Мянчук без праблем прадаставіў дакументы інспектару, аднак пасля вывучэння скарыначкі ў апошняга ўзніклі пытанні.

Пасведчанне кіроўцы не было пратэрмінаванае: увагу супрацоўніка ДАІ прыцягнулі даты, якія ўказваюць тэрмін дзеяння дакумента.

Для пацверджання ўзніклых сумненняў дакумент канфіскавалі і прызначылі правядзенне судовай тэхнічнай экспертызы.

Эксперты высветлілі, што 63-гадовы беларус «выправіў» звычайнай шарыкавай асадкай пасведчанне кіроўцы, павялічыўшы дату яго дзеяння. Ён дапісаў рыскі да першапачатковай лічбы «3», ператварыўшы 2013 год у 2018-ы.

Такім чынам, мужчына спадзяваўся падоўжыць тэрмін дзеяння дакумента на 5 гадоў і да апошняга верыў, што ніхто не заўважыць, аднак таемнае стала відавочным.

Цяпер праваахоўнікі праводзяць праверку, а мужчыну можа пагражаць крымінальная справа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com