«Алімпіяда рэйнджараў»: адно з самых цяжкіх выпрабаванняў у свеце

Гэтыя байцы здольныя паспяхова дзейнічаць супраць Расеі і Кітая.

У Форт-Бенінгу, штат Джорджыя, штогод праходзіць спаборніцтва Best Ranger Competition, вядомае як «Алімпіяда рэйнджараў». Гэта трохдзённае выпрабаванне для самых падрыхтаваных вайскоўцаў войска ЗША. У ім удзельнічаюць 52 каманды па два чалавекі, адабраныя з 450 000 жаўнераў, пераважна з баявых падраздзяленняў, піша The Atlantic (пераклад - сайт Charter97.org).

Каб патрапіць на турнір, трэба скончыць 61-дзённую «Школу рэйнджараў» з 50% узроўнем адсеву, а затым увайсці ў топ-1% выпускнікоў. Удзельнікі пераадольваюць дзясяткі міль пешшу і бегам, штурмуюць палосы перашкод, лазяць па 18-метровых канатах, праходзяць балоты ўначы з заплечнікамі вагой 23 кг, выдаткоўваючы больш за 30 000 калорый і спяць не больш за 4 гадзіны запар.

У красавіку 2025 года ўпершыню ў гісторыі выступіла жанчына - лейтэнант Габрыэль Уайт, выпускніца Вэст-Пойнта, якая прайшла адбор на агульных умовах. Разам з капітанам Сетам Дэльтэнрэ яна заняла 14-е месца.

Пераможцамі сталі лейтэнанты Кевін Мур і Грыфін Хокансан з 75-га палка рэйнджараў, таксама выпускнікі Вэст-Пойнта. Спаборніцтва ўключала 12 км бег з 27-кг мяшкамі, штурм будынкаў, стральбу па мішэнях, 56-кіламетровы марафон, сілавыя выпрабаванні з 130-кг грузамі і водныя тэсты і 10-метровыя лесвіцы.

Начальнік штаба войска генерал Рэндзі Джордж адзначыў, што гэтыя байцы - узор майстэрства і боегатоўнасці, здольныя паспяхова дзейнічаць супраць усіх пагроз, уключаючы Расею і Кітай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com