Трамп: Калі сустрэча з Пуціным праваліцца, то ЗША ўвядуць санкцыі супраць РФ

Прэзідэнт ЗША даў 25% шанцаў на тое, што сустрэча з Пуціным на Алясцы будзе правальнай.

Прэзідэнт Дональд Трамп у эфіры радыё Fox News даў 25% шанцаў на тое, што сустрэча з Уладзімірам Пуціным на Алясцы будзе правальнай. Калі так сапраўды будзе, то амерыканскі лідар не выключыў увядзення новых санкцый супраць РФ, паведамляе The Guardian.

«Існуе 25% імавернасці таго, што гэтая сустрэча не будзе паспяховай, і ў такім выпадку я [вярнуся] да кіравання краінай, і мы ўжо зрабілі Амерыку вялікай за шэсць месяцаў», - заявіў Трамп.

З яго слоў, галоўная мэта заўтрашняга саміту - дамоўленасць аб сустрэчы з удзелам прэзідэнта Уладзіміра Зяленскага. На думку Трампа, Пуцін хоча падпісаць мірнае пагадненне падчас заўтрашняй сустрэчы.

Таксама амерыканскі прэзідэнт заявіў, што для сустрэчы з Зяленскім і Пуціным ёсць ідэя наконт трох месцаў, але найлепшым варыянтам была б Аляска. З ягоных слоў, калі заўтра сустрэча будзе правальнай, то ён нікому не будзе тэлефанаваць і паедзе дадому. Калі ж яна будзе паспяховай, то ён патэлефануе Зяленскаму і заходнім лідарам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com