«Прыкладны падлік чакання: 7 дзён 21 гадзіна»

Чарга з аўто на выездзе з Беларусі ў Польшчу прадаўжае біць рэкорды.

Увечары 13 жніўня ў электроннай чарзе перад пунктам пропуску «Брэст» на выездзе з Беларусі ў Польшчу ўпершыню з моманту яе ўвядзення было зарэгістравана 3 000 аўтамабіляў. Чарга прадаўжае расці і кожныя дзве гадзіны, мяркуючы з звестак Дзяржпагранкамітэта, б'е папярэдні рэкорд. На 16.00 у ёй было 3260 аўтамабіляў. Тым часам у чатах пішуць, што саму мяжу можна прайсці за 4–8 гадзінаў, а чэргаў з Польшчы ў Беларусь практычна няма. BGmedia расказвае падрабязнасці.

З такой чаргой чакаць выкліку ў пункт пропуску «Брэст» давядзецца тыдзень

У жніўні нагрузка на адзіны аўтамабільны пункт пропуску «Брэст», які працуе на мяжы Беларусі з Польшчай, істотна вырасла. Гэта пацвярджаюць звесткі Дзяржаўнага памежнага камітэта Беларусі. 16.00 3 жніўня – апошняе дата, калі ў электроннай чарзе было менш за 2000 аўтамабіляў. Далей блізу тыдня яна трымалася на адзнацы 2500. А за суткі ў пункт пропуску «Брэст» выклікалі ад 350 да 450 аўтамабіляў.

Тыя, хто перасякаюць мяжу на аўтамабілі, карыстаюцца спецыяльным тэлеграм-ботам, які сочыць за чаргой і аналізуе звесткі. На іх аснове беларусы дзеляцца справаздачамі аб праходжанні мяжы. Напрыклад, у нядзелю, 10 жніўня, у пункт пропуску «Брэст» за гадзіну выклікалі ў сярэднім 20 аўтамабіляў. І гэта добрая хуткасць:

«Зарэгістраваліся ў ЗЧ 05.08.2025 у 22.15 пад нумарам 2333. Выклікалі на мяжу 10.08.25 у 19.15. Атрымалася чаканне 117 гадзінаў, значыць, сярэдняе за гадзіну – 19,9 машыны, амаль 20 машынаў за гадзіну. У сераду, чацвер і пятніцу чарга рухалася добра, у суботу і нядзелю спынілася. Саму мяжу прайшлі за 4 гадзіны».

Да серады, 13 жніўня, тэмп выкліку аўтамабіляў у пункт пропуску «Брэст» упаў да 17 за гадзіну. Некалькі прыкладаў:

«Актуальны стан электроннай чаргі на 13.08.2025 21.23. Аўтамабіляў у чарзе: 3108. Выклікана машынаў за 24 гадзіны: 377 + 35 паводле прыярытэту. Тэмп выкліку машынаў за гадзіну: 17,17. Час чакання першага аўто ў чарзе: 5 дзён 11 гадзінаў 48 хвілінаў (стаў у чаргу 2516-м). Прыкладны падлік чакання пры рэгістрацыі ў ЗЧ цяпер: 7 дзён 13 гадзін 0 хвілінаў (21.08.2025 10.23)».

«7 жніўня ў 16.18 узялі на электронную чаргу. 13 жніўня ў 01.32 выклікалі ў пункт пропуску. У 01.50 прыехалі. У 02.00 праверылі пашпарты, сталі ў чаргу. У 05.00 прайшлі беларускую мяжу. У 05.20 прайшлі мост. У 08.00 прайшлі польскую мяжу. 6 гадзінаў на мяжу».

У памежных чатах пішуць, што сам час праходжання мяжы не павялічыўся. Калі пашанцуе, то яе можна прайсці і за 4 гадзіны. А калі не і палякі адправяць аўтамабіль на надгляд, то на праходжанне можа спатрэбіцца і 8 гадзінаў. Некалькі прыкладаў за 14 жніўня:

У 02.12 рэгістрацыя (прыярытэт). У 02.14 пад'ехалі да шлагбаума і адразу заехалі ў чаргу ў зялёны калідор. У 05.49 прайшлі белмытню і ўсталі ў чаргу на мост. У 06.42 праехалі мост. У 08.30 прайшлі пашпартны кантроль. У 09.32 прайшлі дагляд багажу. У 09.42 выехалі за шлагбаум у РП. 7,5 гадзіны на мяжу».

«У 09.30 рэгістрацыя (прыярытэт з дзіцем да 3 гадоў). У 10.15 прайшлі РБ, але чакалі амаль гадзіну, каб выпусцілі. У 11.10 выпусцілі на мост. У 11.45 заехалі да палякаў. У 13.09 мяжу прайшлі. Агульны час праходжання: 4 гадзіны 40 хвілінаў».

«РБ – РП, аўто, 4,5 гадзіны без рэнтгену і бокса».

Днём 14 жніўня тэлеграм-бот падлічыў, што за суткі ў пункт пропуску «Брэст» выклікалі 373 аўтамабілі:

«Актуальны стан электроннай чаргі на 14.08.2025 11.14. Аўтамабіляў у чарзе: 3192. Выклікана машынаў за 24 гадзіны: 373 + 31 паводле прыярытэту. Тэмп выкліку машынаў за гадзіну: 16,83. Час чакання першага аўто ў чарзе: 5 дзён 17 гадзінаў 37 хвілінаў (стаў у чаргу 2557-м). Прыкладны падлік чакання пры рэгістрацыі ў ЗЧ цяпер: 7 дзён 21 гадзіна 42 хвіліны (22.08.2025 08.57)».

У Польшчу едзе больш аўтамабіляў, чым потым вяртаецца ў Беларусь

Карыстальнікі памежных чатаў адзначаюць, што тэмп выкліку аўтамабіляў у пункт пропуску «Брэст» за апошнія некалькі дзён упаў, менавіта таму чарга прабіла адзнаку 3000 аўтамабіляў. Некаторыя пішуць, што палякі пачалі працаваць марудна. Іншыя пярэчаць ім, бо саму мяжу можна прайсці ўсяго за 4 гадзіны, калі ехаць па зялёным калідоры.

Пры гэтым у памежных чатах практычна не абмяркоўваюць прычыны такой вялікай колькасці аўтамабіляў у электроннай чарзе. Нават калі праз пункт пропуску «Брэст» у суткі будзе праязджаць 500 аўтамабіляў, як гэта звычайна бывае зімой, то ў электроннай чарзе менш за 2000 машын усё роўна не будзе.

Некаторыя мяркуюць, што такая чарга звязаная з сезонам адпачынкаў, які прадаўжаецца. У доказ сваёй тэорыі яны просяць звярнуць увагу на чэргі перад пунктам пропуску «Цярэспаль» на выездзе з Польшчы ў Беларусь. На гэтым тыдні ў будні ў некаторыя ранішнія гадзіны там увогуле не было чэргаў. Днём 14 жніўня, напрыклад, у чарзе стаялі ўсяго 50 аўтамабіляў. Гэта значыць, што апошнімі днямі ў Польшчу едзе значна больш аўтамабіляў, чым потым вяртаецца ў Беларусь.

Не мяняецца і сітуацыя з аўтобуснай чаргой перад пунктам пропуску «Брэст». На гэтым тыдні, паводле звестак Дзяржаўнага памежнага камітэта, мінімальна ў чарзе стаялі 42 аўтобусы, максімальна – 60. Калі прыехаць на мяжу і не перасаджвацца ў аўтобусы ў пачатку чаргі, то ў ёй можна прастаяць блізу 24 гадзінаў. Плюс яшчэ 6–8 гадзінаў на самую мяжу.

Беларусы гэта цудоўна ведаюць, таму альбо перасаджваюцца ў аўтобусы ў пачатку чаргі, альбо самі прыязджаюць у Берасце, а потым на таксі едуць на мяжу і за грошы падсаджваюцца ў аўтобусы. Транспартная інспекцыя пры гэтым ім не перашкаджае. І гэта добра, беручы да ўвагі спякоту, якая прыйшла ў Беларусь.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com