У ЗША разгараецца новая «залатая ліхаманка»

Знаходка здольная змяніць эканоміку краіны.

Упершыню за больш як сем дзесяцігоддзяў у ЗША распачатая распрацоўка новага радовішча рэдказямельных элементаў. Гэты гістарычны праект, размешчаны ў Ваёмінгу, здольны змяніць амерыканскую эканоміку і ўмацаваць нацыянальную абарону.

Адкрыццё зафіксаванае ў нядаўнім даследаванні эканамічнай мэтазгоднасці, апублікаваным незалежнай крыніцай. У ім гаворыцца, што радовішча Brook Mine змяшчае да 1,7 мільёна тон рэдказямельных і крытычна важных мінералаў, пры гэтым вялізныя плошчы радовішча яшчэ не даследаваныя. Чакаецца, што шахта істотна зменшыць залежнасць ЗША ад замежных паставак гэтых матэрыялаў, піша The Daily Galaxy.

Прарыўное адкрыццё - шахта Brook Mine ў Ваёмінгу

Паводле інфармацыі Popular Mechanics, у траўні 2023 года кампанія Ramaco Resources з Лексiнгтона, штат Кентукі, якая першапачаткова займалася здабычай вугалю, зрабіла незвычайную знаходку. У вугальных пластах сваёй уласнасці ў Ваёмінгу кампанія выявіла буйное радовішча рэдказямельных элементаў.

Сярод іх - галій, скандый, а таксама такія крытычна важныя элементы, як неадым і празеадым. Гэтыя мінералы неабходныя для вытворчасці высокатэхналагічных прыстасаванняў, сістэм аднаўляльнай энэргетыкі і вайсковага ўзбраення.

Brook Mine адкрывае новую старонку ў гісторыі амерыканскай здабычы карысных выкапняў - гэта першае за 70 гадоў новае радовішча рэдказямельных элементаў у ЗША. Адкрыццё адбылося ў момант, калі сусветныя пастаўкі гэтых элементаў адчуваюць каласальную нагрузку, асабліва ўлічваючы, што Кітай кантралюе амаль 90% сусветнага аб'ёму. Такім чынам, шахта можа стаць пераломным фактарам, асабліва для абароннай сферы і высокіх тэхналогій.

Ад смартфонаў да знішчальнікаў

Рэдказямельныя элементы не з'яўляюцца «рэдкімі» ў літаральным сэнсе, але іх вельмі складана здабываць і перапрацоўваць. Яны крытычна важныя для многіх сучасных тэхналогій - ад смартфонаў да электрамабіляў і нават вайсковай тэхнікі накшталт знішчальнікаў і атамных падводных лодак.

Адно з ключавых ужыванняў у абароннай галіне - вытворчасць пастаянных магнітаў, якія выкарыстоўваюцца ў сістэмах знішчальніка F-35 Lightning II і падлодках класа «Вірджынія».

Акрамя таго, Brook Mine багатае і на іншыя крытычна важныя элементы: літый, нікель, кобальт і графіт. Гэтыя матэрыялы выкарыстоўваюцца ў батарэях для электрамабіляў, у вытворчасці паўправаднікоў для кампутараў і смартфонаў.

Сакрэтная зброя Амерыкі ў барацьбе за сусветныя рынкі

На фоне гандлёвых войнаў і глабальнай канкурэнцыі за рэдказямельныя элементы шахта Brook Mine адкрывае ЗША магчымасць вярнуць частку аўтаноміі ў пастаўках гэтых матэрыялаў. У 2023 годзе ЗША амаль цалкам імпартавалі блізу 10 000 тон рэдказямельных металаў, і Brook Mine плануе вырабляць да 1400 тон штогод пасля выхаду на поўную магутнасць. Хаця гэта і параўнальна невялікая частка амерыканскага попыту, крок вельмі важны для зніжэння залежнасці ад Кітая.

Стратэгічнае значэнне шахты выходзіць далёка за межы здабычы сыравіны. Яна дае ЗША магчымасць умацаваць ланцужок паставак для абароннай і тэхналагічнай галін, што мае вызначальнае значэнне для нацыянальнай бяспекі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com