Хегсет скіраваўся на Аляску, дзе Трамп сустрэнецца з Пуціным

Раней ягонага імя не было ў складзе амерыканскай дэлегацыі.

Кіраўнік Пентагона Піт Хегсет вылецеў на Аляску. Там сёння адбудзецца сустрэча прэзідэнта ЗША Дональда Трампа і расейскага дыктатара Пуціна.

Пра гэта паведамляе РБК-Украіна са спасылкай на сайт Пентагона.

– Міністр выпраўляецца на супольную базу Элмендорф-Рычардсан, Аляска, – сказана ў паведамленні Пентагона.

Менавіта на ваеннай базе Элмендорф-Рычардсан у Анкарыджы адбудзецца саміт лідара ЗША і кіраўніка Расеі.

Таксама, паводле звестак Пентагона, на базу рушыў старшыня Аб'яднанага камітэта кіраўнікоў штабоў ЗША генерал Дэн Кейн.

Склады дэлегацый ЗША і РФ

Нагадаем, раней стала вядома, што ў амерыканскую дэлегацыю, якая будзе ўдзельнічаць у перамовах з Расеяй на Алясцы, увайшлі:

– дзяржаўны сакратар ЗША Марка Рубіа;

– міністр фінансаў Скот Бесэнт;

– міністр гандлю Говард Лутнік;

– спецпрадстаўнік прэзідэнта ЗША Стыў Уіткаф;

– прэс-сакратарка Белага дому Кэралайн Левіт.

Хегсета ў гэтым спісе не было.

Характэрна, што ў расейскую дэлегацыю, сярод іншых, увайшоў міністр абароны РФ Андрэй Белавусаў.

Чакаецца, што перамовы пачнуцца блізу 22-й паводле Менска. Трамп ужо вылецеў на Аляску.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com