У Лагойскім раёне заўважылі дзіцяня рысі
3- 16.08.2025, 18:18
- 10,210
Відэа.
Акуратна хадзіце па лясах Лагойскага раёна - там водзяцца рысі. Мясцовая жыхарка зняла дзіцяня драпежніка і паказала яго ў TikTok, паведамляе «Точка».
У каментарах аўтарка расказала, што гуляла недалёка ад лясніцтва і заўважыў, як сабакі кагосьці гоняць.
«Зайшла за сасну і ўбачыла гэты цуд [рысь. – Заўв.], позна пачала здымаць…» – патлумачыла сітуацыю жанчына па імені Людміла.
На відэа дзіцяня спрытна караскаецца па хвоі, а затым прысядае на галінку, чагосьці чакаючы.
Судзячы па каментарах аўтара відэа, жанчына шпацыравала з сабакам і таму «была пад абаронай».
Нарвацца на маму дзіцяня, якое, як вядома, вельмі дбайна ахоўвае сваіх дзяцей, Людміла таксама не пабаялася. Паводле яе слоў, дарослую котку нядаўна збіла машына.
@user7724319176697 ♬ Дыхание жизни - Сергей Грищук