ЗША прызначылі новага часовага паверанага ў Беларусі

Дыпламат ужо сустрэўся з адным з вызваленых палітвязняў.

У ліпені ў Беларусь прызначылі новага паверанага ў справах ЗША - Майкла Крэйдлера. Пра гэта паведамляецца на сайце не дзейнага пасольства ЗША ў Беларусі.

Майкл Крэйдлер уступіў на пасаду часовага паверанага ў справах ЗША ў Беларусі ў ліпені 2025 года. Да гэтага ён працаваў ва Управе прэсы і публічнай дыпламатыі Бюро ў справах Еўропы і Еўразіі Дзярждэпартамента ЗША. Раней - ва Управе ў справах Цэнтральнай Еўропы Дзярждэпа, а таксама на замежных пасадах у Кіеве, Ісламабадзе, Бішкеку, Прышціне і Ерэване.

Крэйдлер мае ступень магістра міжнародных дачыненняў Калумбійскага ўніверсітэта і ступень бакалаўра гісторыі Пенсільванскага ўніверсітэта. Да прыходу на дыпламатычную службу Майкл служыў валанцёрам Корпуса свету ва Украіне. Ён валодае расейскай, украінскай і армянскай мовамі.

Крэйдлер ужо сустракаўся з Аланам Раё — вызваленым пры пасярэдніцтве ЗША грамадзянінам Эстоніі — 21 чэрвеня яго вывезлі з Беларусі разам з іншымі палітвязнямі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com