Трамп зрабіў заяву пасля размовы з Зяленскім

Прэзідэнт ЗША назваў найлепшы спосаб скончыць вайну.

Прэзідэнт ЗША Дональд Трамп заявіў, што найлепшы спосаб скончыць - гэта мірнае пагадненне, а не спыненне агню. Аб гэтым ён напісаў у сацсетцы TruthSocial пасля сустрэчы з Уладзімірам Пуціным на Алясцы, а таксама наступнай размовы з прэзідэнтам Украіны Уладзімірам Зяленскім і еўрапейскімі лідарамі.

Ён адзначыў, што сустрэча з Пуціным прайшла «вельмі добра», як і начная тэлефонная размова з Зяленскім і еўрапейскімі лідарамі, «уключаючы вельмі паважанага генеральнага сакратара НАТА».

«Усе пастанавілі, што найлепшы спосаб пакласці канец жахлівай вайне паміж Расеяй і Украінай - гэта перайсці да мірнай дамовы, якая пакладзе канец вайне, а не да простай дамовы аб спыненні агню, якую часта парушалі», - заявіў Трамп.

Ён таксама паведаміў, што ўкраінскі прэзідэнт прыедзе ў Авальны кабінет у панядзелак удзень.

«Калі ўсё атрымаецца, мы прызначым сустрэчу з прэзідэнтам Пуціным. Магчыма, будуць выратаваныя жыцці мільёнаў людзей», - заявіў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com