Якое надвор'е чакае беларусаў на наступным тыдні

Прагноз вядомага сіноптыка.

Перыяд камфортнага і цёплага надвор'я ў Беларусі падышоў да канца. На краіну наступаюць халодныя паветраныя масы, расказаў сіноптык Дзмітры Рабаў у эфіры дзяржаўнай ТВ.

Тыдзень з 18 да 24 жніўня будзе адрознівацца засіллем вільготных, няўстойлівых і прахалодных паветраных мас.

Яны прынясуць воблачнасць, дажджы, туманы, а што самае сумнае - тэмпературу ніжэй за норму.

Першыя дні пройдуць пад дыктоўку высокага атмасфернага ціску і вільготных паветраных мас з Балтыйскага мора.

Зрэшты, дажджоў будзе няшмат, яны пройдуць толькі ў некаторых месцах. Вецер абяцаюць паўночна-заходні, умераны, пры навальніцах парывісты. Раніцай можа быць туман, вільготнасць дойдзе да 90%.

Уначы слупок тэрмометра будзе ў дыяпазоне ад +6 да +12°C. У панядзелак удзень паветра прагрэецца ад +18 да +23°C. У аўторак ад +18°C на паўночным захадзе краіны да +25°C на паўднёвым захадзе.

Астатнія буднія дні падзеляць паміж сабой малаактыўны атмасферны фронт з паўночнага захаду і актыўны цыклон з паўднёвага захаду Еўропы.

У краіне чакаюць кароткачасовыя дажджы і пераменную воблачнасць. Без ранішняга туману таксама не абыдзецца. Вецер паўночны, паўночна-заходні, умераны. Вільготнасць складзе ад 80 да 90 працэнтаў.

У сераду ўначы будзе ад +9 да +14°C, удзень - +18...+24°C. У чацвер і пятніцу ўначы - +7… +13°C. Чацвер стане самым цёплым днём тыдня, тэмпература на поўначы +17°C, а на поўдні ўсе +27°C. А вось у пятніцу рэзка пахаладае - +14… +20°C.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com