У Беларусь едзе прэзідэнт Ірана

Візіт адбываецца на фоне абвастрэння дачыненняў рэжыму аятал і ЗША.

Іранскі прэзідэнт Масуд Пезешкіян наведае Беларусь у пачатку наступнага тыдня, вынікае з паведамлення яго палітычнага дарадцы, дырэктара Інстытута даследаванняў Ірана і Еўразіі (IRAS) Мехдзі Санаі, заўважыў «Позiрк».

«Доктар Пезешкіян з панядзелка, 27 Мердад (1404 года - паводле персідскага календара, дата адпавядае 18 жніўню 2025 года. - «Позірк».), зробіць двухдзённую паездку ў Арменію і Беларусь, - напісаў ён на сваёй старонцы ў сацыяльнай сетцы Х. - Мэтамі візіту з'яўляюцца ўмацаванне двухбаковых дачыненняў, асабліва ў гандлёвай сферы, а таксама падпісанне дакументаў».

«Гэтая паездка была запланаваная на пачатак Ціра (гэты месяц адпавядае перыяду з 23 чэрвеня да 23 ліпеня 2025-га. - Заўв.), але была адкладзеная. Прэзідэнт запрошаны для ўдзелу ў саміце Шанхайскай арганізацыі супрацоўніцтва ў Кітаі ў месяцы Шахрывары (перыяд з 23 жніўня да 22 верасня 2025-га; саміт ШАС пройдзе з 31 жніўня да 1 верасня. — заўв.)», — адзначыў Санаі.

Пезешкіян як прэзідэнт краіны — наглядальніка пры ЕАЭС павінен быў удзельнічаць у пасяджэнні Вышэйшага Еўразійскага эканамічнага савета 27 чэрвеня ў Менску, аднак скасаваў паездку праз абстаноўку ў блізкаўсходнім рэгіёне.

Характэрна, што візіт прэзідэнта Ірана пройдзе на фоне частых адкрытых кантактаў Аляксандра Лукашэнкі з уладамі Злучаных Штатаў Амерыкі і адначасова напружанасці паміж ЗША і Іранам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com