ЗША накіруюць атамную падлодку ў яшчэ адзін рэгіён

А таксама 4000 марпехаў.

ЗША таксама накіроўваюць больш за 4000 марскіх пяхотнікаў і маракоў у воды Лацінскай Амерыкі і Карыбскага басейна ў рамках узмоцненых дзеянняў у барацьбе з наркакартэлямі.

Пра гэта паведамляе CNN.

Адзін з чыноўнікаў расказаў, што разгортванне амфібійнай групы гатоўнасці "Іва Джыма" (флагманскі карабель) і 22-га экспедыцыйнага атрада марской пяхоты ў складзе Паўднёвага камандавання ЗША з'яўляецца часткай больш маштабнай перадыслакацыі вайсковых сіл у зоне адказнасці SOUTHCOM, якая працягваецца ўжо тры тыдні.

У рамках місіі Паўднёваму камандаванню таксама перададуць атамную ўдарную падводную лодку, дадатковы разведвальны самалёт P-8 Poseidon, некалькі эсмінцаў і ракетны крэйсер.

"(Дадатковыя сродкі — рэд.) накіраваны на ўстараненне пагроз нацыянальнай бяспецы ЗША з боку спецыяльна абазначаных наркатэрарыстычных арганізацый у рэгіёне", — сказала трэцяя крыніца.

Адзін з суразмоўцаў СМІ падкрэсліў, што нарошчванне вайсковай моцы пакуль мае пераважна дэманстратыўны характар і накіравана хутчэй на падачу сігналу, чым на рэальнае правядзенне кропкавых удараў па картэлях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com