У мозгу выявілі "кнопку перазагрузкі" ўспамінаў

Як яна працуе.

Навукоўцы з Каліфарнійскага і Калумбійскага ўніверсітэтаў высветлілі што блакітная пляма (locus coeruleus) – невялікі кластар нейронаў у ствале мозгу, вядомы сваёй роляй у падтрыманні ўвагі і ўзроўню бадзёрасці, – можа дапамагаць мозгу аддзяляць адзін успамін ад іншага. Праца апублікавана ў часопісе Neuron.

Даследнікі з дапамогай функцыянальнай МРТ і адсочвання зрэнак вывучалі, як мозг рэагуе на змены кантэксту пры запамінанні паслядоўнасцяў малюнкаў. Выявілася, што пры значных пераходах - так званых "межах падзей" - блакітная пляма часам выдае кароткі ўсплёск актыўнасці, што суправаджаецца сегментацыяй успамінаў: падзеі па розныя бакі мяжы запамінаюцца як больш асобныя.

Гэты эфект узмацняўся, калі актывацыя locus coeruleus была больш выразнай, і суправаджалася зменамі ў гіпакампе - асабліва ў зубчастай звіліне, якая адказвае за адрозніванне падобных успамінаў. Вымярэнні зрэнкі пацвердзілі сувязь: пры змене кантэксту назіралася большае пашырэнне зрэнак, што карэлявала з актыўнасцю блакітнай плямы.

Аднак ва ўдзельнікаў з прыкметамі хранічна падвышанай актыўнасці гэтай вобласці (гіперактывацыі, звязаная з устойлівым выкідам норадреналіна) адчувальнасць да «межаў падзей» зніжалася. Навукоўцы мяркуюць, што пры сталай «трывозе» мозг перастае рэагаваць на важныя сігналы, што можа пагаршаць структураванне памяці – як, напрыклад, пры посттраўматычным стрэсавым разладзе ці хваробе Альцгеймера.

Аўтары зазначаюць, што вынікі патрабуюць праверкі метадамі з больш высокай дакладнасцю. У будучыні яны плануюць даследаваць, як рэгуляванне ўзроўню ўзбуджэння - праз дыхальныя практыкі або медыкаменты - можа дапамагчы аднавіць нармальную сегментацыю ўспамінаў і палепшыць працу памяці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com