У Крыме знішчана рэдкая РЛС акупантаў «Каста»

Што пра яе вядома?

У часова акупаваным Крыме паблізу Еўпаторыі ў пачатку жніўня была знішчаная рэдкая РЛС «Каста-2Е2» расейцаў.

Пра гэта паведамляе Telegram «Крымскі вецер».

«Атака на былую пазіцыю СПА ля населенага пункта Хутара пад Еўпаторыяй (Сакскі раён) адбылася паміж 6 і 11 жніўня. У выніку атакі, імаверна, дронамі была разбітая дарагая РЛС «Каста-2Е2». На гэта паказвае шэраг фактараў», - адзначылі крыніцы «Крымскага ветру».

Паведамляецца, што станцыя стаяла на гэтай пазіцыі да самага ўдару, пасля чаго быў зафіксаваны пажар, і накрыты сеткай аб'ект, які мае ідэнтычныя памеры і выгляд, як згаданая РЛС. Таксама, паводле інфармацыі крыніц, станцыя перастала фіксавацца пасля атакі.

Што вядома аб РЛС «Каста-2Е2»

Паведамляецца, што РЛС «Каста 2Е2» ужываецца ў дывізіённым звяне СПА сухаземных войск - на пунктах кіравання начальнікаў СПА дывізій і на КП зенітных ракетных палкоў «Тор». Яе галоўная задача - своечасовае выяўленне самалётаў, верталётаў, крылатых ракет, а таксама дронаў.

Зона агляду РЛС «Каста-2Е2» складае ад 5 да 150 км, а па вышыні – да 6 км. Далёкасць выяўлення цэляў складае ад 30 да 44 км у залежнасці ад вышыні антэны. Максімальная колькасць цэляў - 50 штук. Адзначаецца, што кошт «Каста-2Е2» стартуе ад 60 млн даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com