Метро Менска пераходзіць на зімовы рэжым працы

Як зменіцца расклад?

Менскі метрапалітэн рыхтуецца ў канцы жніўня перайсці на зімовы рэжым працы, паведамілі на сайце падземкі.

Згодна з новым раскладам, у ранішнія гадзіны пік (з 07:00 да 09:00) цягнікі на першай і другой лініях будуць хадзіць з інтэрвалам дзве хвіліны. У вечаровы найбольш загружаны час (з 17:00 да 19:00, у пятніцу – з 16:00 да 18:30) перапынак паміж цягнікамі будзе дзве з паловай хвіліны.

Улетку чакаць даводзіцца на паўхвіліны даўжэй.

На зялёнай галінцы ў гэтыя часовыя адрэзкі інтэрвал паміж цягнікамі складзе пяць хвілінаў.

Расклад руху метро да 06:00 і пасля 23:00 можна знайсці на станцыях – каля касаў і на тарцах платформаў.

Адкрытая падземка для прыёму пасажыраў з 05:30 да 00:40.

Вестыбюль № 1 станцыі «Купалаўская» (уваход з боку вуліцы К. Маркса) даступны з 07:00 да 21:00.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com