Прэзідэнт Літвы прапанаваў прызначыць пэўную дату ўступлення Украіны ў ЕЗ

На ягоную думку, гэта стане важным сігналам для Кіева.

Прэзідэнт Літвы Гітанас Наўседа прапанаваў прызначыць пэўную дату ўступлення Украіны ў Еўрапейскі Звяз. На ягоную думку, гэта стане важным сігналам для Кіева.

Пра гэта паведамляе LRT.

Падчас анлайн-пасяджэння кіраўнікоў Еўрапейскай рады Наўседа прапанаваў прызначыць канкрэтную дату ўступлення Украіны ў ЕЗ і адкрыць першы кластар перамоваў ужо ў верасні 2025 года.

«Гэта быў бы сігнал, які вельмі важны для Украіны. Мы павінны задзейнічаць яе ў працэсе перамоваў, усталяваўшы пэўны тэрмін сяброўства ў ЕЗ – 2030 год», – сказаў ён.

Таксама Наўседа адзначыў тое значэнне, якое маюць гарантыі бяспекі для Украіны. Падтрымка ЗША і магчымасць разгортвання ва Украіне міратворчых сілаў заўсёды былі ключавой умовай. Пасля сустрэчы ў Вашынгтоне 18 жніўня гэтая перспектыва выглядае цалкам рэальнай.

Акрамя гэтага, літоўскі прэзідэнт заклікаў пакараць расейскі рэжым за вайну ва Украіне і не аслабляць ціск на Крэмль.

«Мы павінны як мага хутчэй прыняць 19-ы пакет санкцыяў. Справядлівага і трывалага міру не будзе, калі Расея застанецца бяскарнай. Замарожаныя расейскія актывы павінныя быць выкарыстаныя для патрэбаў Украіны», – дадаў Наўседа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com