З кастрычніка на памежных пераходах запусцяць новую сістэму ўезду ў краіны Шэнгена

У пашпартах беларусаў перастануць ставіць штампы.

Ужо не раз пісалі пра новы парадак уезду ў Шэнгенскую зону ў рамках сістэмы Entry/Exit System EES, але яе запуск бясконца адкладалі, піша рэсурс «Збірай заплечнік».

У свежым прэс–рэлізе Еўракамісіі запэўніваюць, што новая дата ўжо канчатковая - з 12 кастрычніка краіны пачнуць паэтапна ўкараняць EES на памежных пераходах.

Што такое EES?

Гэта новая лічбавізаваная сістэма рэгістрацыі і пропуску замежных грамадзян на тэрыторыю Шэнгена, мэта якой:

«... прадухіленне нелегальнай міграцыі і забеспячэнне бяспекі грамадзян Еўропы [...] паездкі стануць больш зручнымі і бяспечнымі для ўсіх».

Як гэта будзе працаваць і для каго?

EES будзе тычыцца ўсіх замежнікаў, якія ўязджаюць з-за межаў Шэнгена для кароткатэрміновага знаходжання (г.зн. з максімальна дазволеным перыядам да 90 дзён кожныя 180): уязджаюць з шэнгенскімі візамі тыпу С і тым, для каго на ўезд у Шэнген дзейнічае бязвіз.

- пры першым уездзе ў адну з краін Шэнгена будуць збіраць адбіткі пальцаў, фота і захаваюць звесткі ў сістэме

- пры наступных уездах пры наяўнасці біяметрычнага пашпарта і тэхнічнай магчымасці (спецыяльных тэрміналаў) у канкрэтным пункце пропуску, праходзіць кантроль можна будзе аўтаматычна

- са звычайным пашпартам - пашпартны кантроль праз акенца ў памежніка, як гэта адбываецца цяпер

Г.зн. ўезд са звычайнымі пашпартамі і дакументамі іншага тыпу таксама будзе магчымы. Біяметрычны рабіць не абавязкова!

- зарэгістравацца ў EES можна будзе загадзя праз мабільны дадатак (калі ён будзе даступна ў краінах ўезду і выезду).

Пасля ўвядзення EES ў пашпарты перастануць ставіць штампы

Але не адразу. Сістэму будуць укараняць паэтапна:

- з 12 кастрычніка 2025

- краіны толькі пачнуць уводзіць змены на сваіх замежных межах, але не на ўсіх адразу

- будзе абсалютна нармальнай і чаканай сітуацыяй наяўнасць EES са здачай адбіткаў і фота, напрыклад, у аэрапорце і пры гэтым уезд/выезд "па-старому" праз наземны пункт пропуску гэтай жа краіны

- таму на першым этапе штампы аб уездзе і выездзе працягнуць ставіць, як звычайна.

- з 10 красавіка 2026

- чакаецца, што ўсе краіны цалкам укараняць EES

- усе ўезды і выезды будуць фіксавацца толькі электронна, за выключэннем наведванняў Кіпра і Ірландыі.

- г.зн. з гэтага моманту больш не будзе штампаў пры перасячэннях замежных межаў Шэнгена.

Напрыклад, пры ўездзе з Беларусі ў Літву, Польшчу, Латвію і выездзе. Або па прылёце ў любы аэрапорт, уездзе па моры праз порт шэнгена з нешэнгенскіх краін.

Як гэта паўплывае на падарожнікаў?

- Эканомія чыстых старонак у пашпарце асабліва пры частых паездках

- Для ўладальнікаў біяметрыкі – перспектывы хутка праходзіць пашпартны кантроль

Штампы часам усё яшчэ важкі чыннік (як гісторыя паездак у цэлым) пры атрыманні нешэнгенскіх віз: напрыклад, візы ЗША. З увядзеннем EES частка "візуальнай" візавай гісторыі ў пашпарце будзе адсутнічаць.

- Адсутнасць штампаў - палка аб двух канцах: для кагосьці больш не атрымаецца выкарыстоўваць штампы як доказ мэтавага выкарыстання візы, а камусьці, наадварот, адсутнасць гэтых штампаў будзе толькі на руку пры наступных падачах.

Але ўся іинфамрацыя будзе ў электроннай сістэме, і супрацоўнікі консульскіх аддзелаў пры жаданні, магчыма, без намаганняў змогуць вывучыць гісторыю паездак пры разглядзе дакументаў на Шэнген.

Бо з дапамогай сістэмы EES будуць:

- фіксаваць уезды і выезды, а таксама адмовы ва ўездзе

- адсочваць выкананне тэрмінаў знаходжання і выяўляць парушальнікаў (асабліва з овэрстэем) - калі чалавек перавысіць перыяд знаходжання паводле правіла 90/180, усё паказваецца ў сістэме

- выяўляць падробленыя дакументы і дадаткова збіраць асабістыя звесткі.

Каго не закране сістэма EES?

- замежнікаў з доўгатэрміновымі візамі (г.зн. нац. візамі тыпу D, напрыклад, польскай рабочай), з ДНЖ ў краінах ЕЗ і Шэнгена і іх блізкіх сваякоў

- грамадзян краін ЕЗ і Шэнгена, Андоры, Манака, Сан-Марына, Ватыкана і іх блізкіх сваякоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com