NATO рыхтуецца да новых дыверсій у Балтыйскім моры

Альянс запускае даследаванні, каб абараніць кабелі і трубаправоды ад сабатажу.

Навукоўцы Цэнтра марскіх даследаванняў і экспэрыментаў NATO апускалі на дно сучасныя акустычныя сэнсары. Яны хацелі высветліць, як з іх дапамогай супольнікі маглі б выяўляць пашкоджанні падводных трубаправодаў і кабеляў у Балтыйскім моры і як прадухіляць такія выпадкі ў будучыні, піша LRT.

«Ужо былі выпадкі сабатажу важнай інфраструктуры, напрыклад, трубаправодаў, ліній сувязі, оптавалаконных кабеляў. Мы спрабуем зразумець асяроддзе, у якім узнікае гэтая праблема. Таму мы назіраем за тым, што адбываецца пад вадой — дакладней, слухаем, што адбываецца пад вадой, і аб’ядноўваем гэта з выявай. Мы спрабуем зразумець, як даваць рады такім сітуацыям», — сказаў Робэрт Бін, навуковец Цэнтра марскіх даследаванняў і экспэрыментаў NATO.

Карабель Alliance звычайна базуецца ў порце Ла Спецыя ў Італіі. Ён абсталяваны як лабараторыя, у якой працуюць навукоўцы Цэнтра марскіх даследаванняў і экспэрыментаў, а таксама міжнародныя экспэрты ў галіне падводных даследаванняў.

У Балтыйскім моры нядаўна былі пашкоджаны важныя для некалькіх краін кабелі. У шэрагу выпадкаў сабатажу выкарыстоўваліся якары, якія караблі цягнулі па дне, пашкоджваючы стратэгічную інфраструктуру.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com