Беларусбанк папярэдзіў пра новую схему падману

Званкі з гэтага нумара заўсёды робяць ашуканцы.

Беларусбанк папярэдзіў, што любы званок у мэсэнджэрах з нумара 147 заўсёды робяць ашуканцы.

Ашуканцы часта называюцца супрацоўнікамі банка або сілавых структураў і спрабуюць запалохаць чалавека, напрыклад паведамляючы, што на ягонае імя аформлены крэдыт або што ён нібыта пералічвае грошы «экстрэмістам».

Пасля гэтага размову пераводзяць у мэсэнджары, дзе спрабуюць атрымаць асабістыя звесткі карты. Далей ашуканцы могуць стварыць токен – лічбавы аналаг карты – і здымаць грошы ў банкаматах.

У прэс-службе банка падкрэслілі, што сапраўдныя супрацоўнікі ніколі не патрабуюць:

рэквізіты картаў;

коды з SMS-паведамленняў;

PIN-коды;

усталяваць дадатковыя праграмы на тэлефон.

Беларусам раяць атрымліваць усю неабходную інфармацыю толькі праз афіцыйны нумар банка 147 (ён для таго, каб на яго тэлефанаваць самім, а не атрымліваць званкі) ці непасрэдна ў аддзяленнях. Гэта дапаможа засцерагчыся ад махлярства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com