У Швэцыі паспяхова перанеслі 600-тонную царкву

Перанос адбываўся на адлегласць 5 кіламетраў і заняў два дні.

У паўночнай Швэцыі паспяхова закончылі ўнікальную аперацыю – перанос 600-тоннай царквы горада Кіруна, пабудаванай у пачатку XX стагоддзя. Перанос адбываўся на адлегласць 5 кіламетраў і заняў два дні, звярнуў увагу тысячаў жыхароў і турыстаў, якія хочуць убачыць гэты рэдкі працэс.

Ніклас Эліясан, адказны за гэтую аперацыю ў швэдскай горназдабыўной кампаніі LKAB, адзначыў, што ўсё прайшло выдатна, а момант пераносу ў некаторых людзей выклікаў нават слёзы ад хвалявання. Аднак царкву пакуль не ўсталявалі на новы падмурак – гэты этап будзе выкананы пазней.

Неабходнасць пераносу была звязаная з пашырэннем найбуйнейшай у свеце падземнай жалезаруднай шахты, эксплуатацыя якой магла прывесці да прасадкі грунту пад гістарычнай пабудовай.

Перанос царквы – частка шырокага 30-гадовага плана перасялення ўсяго горада Кіруна: у рамках праекта трэба перанесці блізу 3 тысячаў будынкаў і перасяліць прыкладна 6 тысячаў жыхароў. Некаторыя будынкі будуць разабраныя і адноўленыя ў новым цэнтры горада, а іншыя, як царква, пераносяцца цалкам, каб захаваць іх арыгінальную форму і архітэктурную каштоўнасць.

Гэты праект уважаецца за адну з самых амбіцыйных урбаністычных перапланіровак у свеце і дэманструе, як сучасныя тэхналогіі могуць абараніць культурную спадчыну, нягледзячы на вялікія індустрыяльныя патрэбы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com