УСУ вызвалілі адразу тры вёскі на Данбасе

Сырскі раскрыў дэталі.

Сілы абароны Украіны паспяхова контратакавалі і зачысцілі ад расейскіх акупантаў тры населеныя пункты ў Данецкай вобласці - Міхайлаўку, Зялёны Гай і Уладзіміраўку. Пра гэта паведаміў гетман УСУ Аляксандр Сырскі.

Ён адзначыў, што Пакроўскі кірунак застаецца самым складаным на фронце. Гетман УСУ падзяліўся, што ўкраінскія вайскоўцы працягваюць трымаць абарону Пакроўска, нягледзячы на большыя сілы супраціўніка.

- Адпрацаваў на камандных пунктах частак, якія выконваюць баявыя задачы на Пакроўскім кірунку. Выслухаў даклады камандзіраў карпусоў і брыгад аб аператыўнай абстаноўцы. Сітуацыя сапраўды няпростая, праціўнік засяродзіў на гэтым участку фронту свае асноўныя намаганні. Але мы павінны трымаць лінію. Дапамога ў арганізацыі баявых дзеянняў будзе нададзеная. Пытанні аб дадатковых боепрыпасах, дронах і сродках РЭБ развязаныя, - напісаў Сырскі.

Таксама гетман УСУ заявіў, што пагутарыў з ваярамі з 25-й паветрана-дэсантнай, 68-й егерскай, 32-й і 155-й механізаваных брыгад, якія трымаюць абарону Пакроўска.

- Узнагародзіў найлепшых ваяроў за стойкасць, адвагу і ўзорнае выкананне вайсковага абавязку, - дадаў Сырскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com