Жыхары некаторых раёнаў Беларусі змогуць адпачыць ад дзяржпрапаганды

Перабоі ў вяшчанні ТВ і радыё могуць назірацца да канца працоўнага тыдня.

Частка Беларусі застанецца без тэлевізіі і радыё з 26 да 29 жніўня. У гэты час "Белтэлекам" будзе праводзіць рамонтныя працы, паведамілі ў кампаніі.

Так, 26 і 27 жніўня трэба прыгатавацца жыхарам Хойніцкага, Рэчыцкага і Калінкавіцкага раёнаў Гомельскай вобласці.

З 12.15 да 14.55 будзе адсутнічаць прыём ад АРТПС (аўтаматызаванай радыётэлевізійнай станцыі перадачы) "Зашчэб'е" абавязковага агульнадаступнага пакета праграм, камерцыйнага эфірнага лічбавага ТВ, РУ праграм 1НКБР, "Культура", радыё "Гомель", "Сталіца".

А вось 27 і 28 жніўня (29 жніўня стаў рэзервовым днём) нязручнасці адчуюць у Старадарожскім, Любанскім, Слуцкім раёнах Менскай вобласці, а таксама ў Глускім, Асіповіцкім раёнах Магілёўскай вобласці.

Там з 10:00 да 16:00 будзе адсутнічаць прыём ад АРТПС "Старыя Дарогі" абавязковага агульнадаступнага пакета праграм, камерцыйнага эфірнага лічбавага ТВ, РУ праграм 1НКБР, "Культура", "Менская хваля".

У кампаніі заявілі, што калі працы будуць завершаны раней за ўстаноўлены тэрмін, то перадачу адновяць датэрмінова.

Таксама ў "Белтэлекаме" ўдакладнілі, што маніпуляцыі не паўплываюць на працу інтэрактыўнай тэлевізіі ZALA.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com