Памёр вядомы кампазітар, удавец Маі Плісецкай Радзівон Шчадрын

Яму было 93 гады.

Памёр вядомы савецкі кампазітар Радзівон Шчадрын. Яму было 93 гады. Пра гэта паведамляе Вялікі тэатр Расеі.

"Радзівон Шчадрын - гэта ўнікальная з'ява і эпоха ў жыцці сусветнай музычнай культуры. Ягоныя оперы, балеты і сімфанічныя творы многія дзесяцігоддзі з велізарным поспехам выконваюцца на ўсіх найбуйнейшых сцэнах свету. Неацэнная творчая спадчына Шчадрына нязменна знаходзіць водгук у сэрцах публікі. Гэта велізарная трагедыя і незаменная страта для ўсяго свету мастацтва", - гаворыцца ў некралогу, які апублікаваў тэатр.

Радзівон Шчадрын - адзін з самых вядомых кампазітараў другой паловы ХХ стагоддзя на постсавецкай прасторы. Ён аўтар мноства вядомых твораў, уключаючы балеты "Кармэн-сюіта” і “Ганна Карэніна”, оперу "Не толькі каханне", а таксама сімфоніі, канцэрты, хоры і фартэпіянныя творы. Яго музыка выконвалася вядучымі аркестрамі свету, а сярод дырыжораў былі такія імёны, як Мсціслаў Растраповіч, Ларын Маазель, Марыс Янсанс.

Усяго Шчадрын стварыў больш за паўтары сотні камерных, харавых і сімфанічных п'ес, музыку ў драматычных спектаклях і кіно.

З 1958 года Радзівон Шчадрын быў жанаты з балярынай Маяй Плісецкай, якая памерла ў 2015 годзе ва ўзросце 89 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com