Сіноптыкі спрагназавалі «гарачую нядзелю» ў Беларусі

Дзе пройдуць навальнічныя дажджы?

Згодна з прагнозам сіноптыкаў, беларусаў у нядзелю 3 жніўня чакаюць спякота, навальнічныя дажджы і ўзмацненне ветру да 15–20 м/с, піша «Тэлеграф».

Так, у тэлеграм-канале пра надвор'е ў Беларусі «Метэавайб», які спасылаецца на еўрапейскія мадэлі прагнозу надвор'я, паабяцалі «гарачую нядзелю». Там растлумачылі, што 3 жніўня цэнтр антыцыклону апынецца над Цвярской вобласцю, а на Польшчу выйдзе паўднёвы цыклон.

«Такое комба барычных утварэнняў узмоцніць адвекцыю цяпла з поўдня Еўропы», – падкрэслілі ў ТГ-канале.

У сваю чаргу ў другой палове дня амаль па ўсёй краіне, акрамя ўсходу, павінны прайсці «лакальныя навальнічныя дажджы».

«А па захадзе Гарадзенскай і Берасцейскай вобласці пад уплывам лініі няўстойлівасці яны чакаюцца месцамі, у асобных раёнах магчымае шквалістае ўзмацненне ветру да 15–20 м/с», – паведаміў «Метэавайб».

Што да тэмператураў, то ноччу будзе +13…+18°C, днём +25…+30°С.

Белгідрамет абвясціў аранжавы ўзровень небяспекі

У сваю чаргу Белгідрамет абвясціў аранжавы ўзровень небяспекі ў Беларусі праз спякоту.

«Днём 3 жніўня (нядзеля) па паўднёвым захадзе краіны максімальная тэмпература паветра дасягне +30…+31°С», – паведамілі метэаролагі.

Тым часам профільны тэлеграм-канал nadvorie заявіў, што «не будзе ў пачатку жніўня горача і ў сярэдзіне таксама не будзе».

«З 4 да 11-га жніўня тэмпература паветра крыху ніжэйшая за норму, а па поўдні РБ на 1–3°; з 11 да 18-е прыкладна таксама», – адзначылі там.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com