Польшча прадоўжыла памежны кантроль з Літвой і Нямеччынай да кастрычніка
- 3.08.2025, 14:53
- 1,358
З 7 ліпеня польская памежная служба праверыла больш за 493 тысячы чалавек.
Польшча падаўжае памежны кантроль з Літвой і Нямеччынай яшчэ на 60 дзён – да 4 кастрычніка. Міністр унутраных справаў і адміністрацыі Марцін Кервінскі нагадаў на прэс-канферэнцыі 3 жніўня, што адпаведная пастанова ў пятніцу была перададзеная на апавяшчэнне Еўрапейскай камісіі, паведамляе «Польскае радыё».
🟢Komendant Główny Straży Granicznej gen. dyw. SG Robert Bagan uczestniczył w #MSWiA w odprawie pod przewodnictwem ministra @MKierwinski. Szef #MSWiA poinformował o przedłużeniu tymczasowych kontroli na granicach z Niemcami i Litwą o kolejnych 60 dni.
— Straż Graniczna (@Straz_Graniczna) August 3, 2025
📷MSWiA pic.twitter.com/JEBoVMfoxs
«У верасні мы будзем прымаць далейшыя пастановы, грунтуючыся на звестках, якія будзем атрымліваць ад Памежнай службы, войска і паліцыі», – заявіў Кервінскі. Кіраўнік МУС падкрэсліў, што прыярытэтнай задачай цяпер з'яўляецца перакрыццё міграцыйнага маршруту, які з тэрыторыі Беларусі зрушыўся на Літву і Латвію.
Марцін Кервінскі таксама падзякаваў усім службам, задзейнічаным у аперацыі, за ўзорную каардынацыю дзеянняў і добрае супрацоўніцтва.
З 7 ліпеня да сёння Памежная служба праверыла больш за 493 тысячы чалавек на межах з Літвой і Нямеччынай. Як паведаміў галоўны камандзір Памежнай службы генерал Роберт Баган на нарадзе ў будынку МУС, на мяжы з Нямеччынай праверана больш за 279 тысячаў чалавек, а з Літвой – амаль 214 тысячаў.
Od 07.07.2025 r blisko pół miliona osób, przekraczających granicę RP, objętych zostało kontrolą graniczną na odcinku Litewskim i Niemieckim. W tym:
— Marcin Kierwiński (@MKierwinski) August 3, 2025
213 753 os. na granicy z Litwą
279 753 os. na granicy z Niemcami
Łącznie 493 124 os.
Czasowa kontrola granic przedłużona do 4.X
За гэты перыяд было адмоўлена ва ўездзе на тэрыторыю Польшчы 185 замежнікам. У большасці выпадкаў прычынай адмовы стала адсутнасць дакументаў, якія даюць права на перасячэнне мяжы. На мяжы з Нямеччынай было адмоўлена 124 асобам, з Літвой – 61.
Міністр інфраструктуры Дарыюш Клімчак запэўніў, што кантроль на межах з Нямеччынай і Літвой не выклікае сур'ёзных цяжкасцяў у руху.
У сувязі з часовым аднаўленнем кантролю Галоўная ўправа нацыянальных дарог і аўтамагістраляў была вымушаная рэарганізаваць рух на некалькіх дзясятках памежных пераходаў і дарог.
Кантроль на межах з Нямеччынай і Літвой быў адноўлены 7 ліпеня.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
