Банкі ААЭ пачалі маштабную зачыстку расейскага бізнэсу

Украінская выведка даведалася падрабязнасці.

Фінансавыя ўстановы Аб'яднаных Арабскіх Эміратаў пачалі маштабную «чыстку» расейскага бізнэсу.

Пра гэта паведамляе Служба знешняй выведкі Украіны.

У ліпені 2025 года банкі ААЭ рэзка ўзмацнілі фінансавы кантроль над кампаніямі з Расеі.

Паводле звестак выведкі, блізу 30% фірмаў атрымалі папярэджанні пра закрыццё рахункаў або абмежаванні аперацый.

Асноўнымі прычынамі для такіх захадаў сталі:

ігнараванне або нясвоечасовы адказ на банкаўскія запыты,

памылкі ў дакументах або недахоп інфармацыі,

неадпаведнасць грашовых плыняў заяўленаму віду дзейнасці,

сувязі з краінамі з «чорнага спісу» FATF,

а таксама стасункі з падсанкцыйнымі асобамі ці кампаніямі.

Кантроль узмацнілі пасля санкцый Брытаніі і ЕЗ

Першыя маштабныя праверкі пачаліся яшчэ ў лютым 2024 года – адразу пасля таго, як Вялікая Брытанія ўвяла санкцыі супраць эмірацкіх кампаній, якія дапамагалі Расеі абыходзіць абмежаванні.

Паваротным момантам стаў 18-ы пакет санкцыяў Еўразвязу, у які ўпершыню былі ўключаныя эмірацкія структуры.

Гэта падштурхнула банкі ААЭ да яшчэ больш жорсткіх захадаў у дачыненні да расейскага бізнэсу.

Аб'яднаныя Арабскія Эміраты толькі нядаўна выйшлі з «шэрага спісу» FATF, і цяпер спрабуюць унікнуць паўторнага ўключэння.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com