У Беларусі заўважылі вайсковую тэхніку з незвычайнымі распазнавальнымі знакамі

Ва Украіне адрэагавалі.

У горадзе Гомель 2 жніўня былі заўважаныя бронетранспарцёры, частка з якіх абсталяваная супрацьдронавымі дугамі саматужкай вытворчасці. Пра гэта паведаміў тэлеграм-канал BelVarta.

У публікацыі адзначаецца, што перамяшчэнне вайсковай тэхнікі па Беларусі можа быць звязана з Днём дэсантніка, аднак распазнавальныя знакі на тэхніцы выклікаюць у спецыялістаў сур’ёзную занепакоенасць.

Гаворка ідзе пра чырвоныя квадраты, нанесеныя на заўважаных БТР, а таксама чырвоныя павязкі на рукавах у камандзіраў — «такія ж, як у расейскіх акупацыйных войскаў ва Украіне».

Аднак кіраўнік Цэнтра супрацьдзеяння дэзінфармацыі пры РНБА Украіны Андрэй Каваленка зняпраўдзіў у Telegram гэтыя страхі наконт пагрозы.

«Вораг выкарыстоўвае тэму Беларусі выключна для інфармацыйных укідаў супраць нас. На рознага кшталту відэа з той тэрыторыі з тэхнікай не варта рэагаваць. Вайсковай пагрозы адтуль цяпер няма», — заявіў Каваленка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com