Рыэлтар: Арэнда жылля ў Менску падаражэла на 20-30%

Цяжка арандаваць нават старэнькія кватэры

Апошнім часам у сацсетках часта з'яўляюцца абураныя допісы, натхнёныя аб'явамі аб арэндзе жылля ў Менску. Нават старыя кватэры людзі спрабуюць здаваць выгадна, бо калі ёсць агульная тэндэнцыя падаражання — грэх ёй не скарыстацца.

У чым прычына росту коштаў і што будзе далей, распавяла onliner.by начальніца аддзела арэнды групы кампаній «Твая сталіца» Маргарыта Пачыцкая.

- За мінулы год кошт арэнднага жылля ў беларускай сталіцы вырас на 10-15%, - кажа Маргарыта Пачыцкая. - Гэтую інфармацыю мы давалі ў траўні 2025 года. Можна сказаць, што ў параўнанні з траўнем кошты павялічыліся яшчэ на 10-15%. Даляр ужо паспеў істотна патаннець, і кошт для некаторых арандатараў адпаведна змяніўся.

Магчыма, падаражанне абумоўлена яшчэ і тым, што старых кватэр з кожным годам становіцца на рынку менш. Усё больш з'яўляецца новабудоўляў, і, адпаведна, расце попыт на іх.

Арандатар маладзее, і ў прыярытэтах у яго акуратныя сучасныя кватэры з поўнай камплектацыяй.

Са звестак спецыялістаў аддзела арэнды агенцтва «Твая сталіца», кошт аднапакаёвых кватэр у старым жыллёвым фондзе стартуе ад $300. За звычайную двухпакаёўку просяць ад $350. Мэбляваныя трохпакаёўку — ад $400.

Пры прывабна нізкай цане за арэнду «бонусам» можа быць адсутнасць рамонту або мэблі. А вось у свежых новабудоўлях, якія знаходзяцца ў самых папулярных раёнах, зусім іншыя кошты. У топе ў арандатараў цяпер "Мінск-Мір», «Маяк Мінска», раён Грушаўка і «Новая Баравая». У гэтых лакацыях шмат камфортных кватэр з дызайнерскімі інтэр'ерамі, з поўным наборам бытавой тэхнікі — адпаведна, і кошты на іх даволі высокія. Кошт такіх «аднапакаёвак» стартуе ад $350 і дасягае $500.

- Гэты сэгмент запатрабаваны ў замежных студэнтаў, ІТ-спецыялістаў, мэнэджараў з добрым заробкам, — удакладняе рыэлтар.

Дарэчы, менавіта аднапакаёўкі — самы папулярны ў арандатараў варыянт на рынку. А што наконт прэміяльных кватэр? Тых самых, якія часта трапляюцца ў падборках жылля з файнымі інтэр'ерамі і высокім коштам арэнды? Са слоў спецыяліста, з імі ўсё выдатна. Попыт на іх круглы год, праўда, гаворка зусім не пра студэнтаў і звычайных рабочых.

На доўгі тэрмін такія прапановы разглядаюць беларускія і замежныя бізнэсоўцы, прадстаўнікі дыпмісій, прыезджыя супрацоўнікі буйных кампаній.

- Для гэтай катэгорыі арандатараў важныя закрытая тэрыторыя, падземны паркінг, дызайнерскі рамонт, лакацыя. «Лебядзіны», Depo, D3, «Алімпік парк», мікрараёны Дразды і Лебядзіны, раён вуліцы Старажоўскай і праспекта Пераможцаў, вуліца Язмінавая і г.д. — гэта адная з самых запатрабаваных лакацый у гэтым сегменце. Кошт такіх аб'ектаў пачынаецца ад $1000.

Для тых, хто аддае перавагу загараднай нерухомасці, важныя наступныя крытэрыі: непасрэдная блізкасць да Менска, развітая інфраструктура паселішча, навакольнае асяроддзе, наяўнасць лазні, саўны, басэйна, маляўнічыя месцы, лес, вадаём у непасрэднай даступнасці.

Прыблізна праз месяц пачнецца новы навучальны сезон у сталічных студэнтаў. Звычайна гэта даволі гарачы час, калі арэнднае жыллё разлятаецца як гарачыя піражкі. Аднак Маргарыта ўпэўненая: сёлета студэнцкі перыяд пройдзе спакойна:

- Набліжэнне новага навучальнага года заўсёды адбівалася на рынку актыўным попытам з боку студэнтаў. Аднак апошнія гадоў пяць запытаў на жыллё ад гэтай катэгорыі арандатараў становіцца менш. Я думаю, што гэта абумоўлена павелічэннем колькасці інтэрнатаў і месцаў у іх. На дадзены момант студэнты-бюджэтнікі ўжо вызначыліся з выбарам ВНУ, а ў платнікаў яшчэ ёсць такая магчымасць. Так што сітуацыя яшчэ можа змяніцца. Будзем сачыць за ёй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com