«Нафтагазу» дазволілі спагнаць з «Газпрама» €120 мільёнаў актываў
1- 4.08.2025, 16:29
- 2,168
Расейцы прайгралі ў міжнародным судзе.
Аўстрыйскі суд дазволіў «Нафтагазу» спагнаць з Расіе больш за 120 млн еўраў, наклаўшы абцяжаранне на больш за 20 аб'ектаў расейскай нерухомасці ў Вене, паведамляе obozrevatel.com. Аднак, гэта толькі частка працэсу выканання арбітражнай пастановы, паводле якой Расея павінна выплаціць Украіне больш за $5 млрд за актывы ў Крыме.
Пра гэта паведаміў старшыня праўлення НАК «Нафтагаз Украіны» Сяргей Карэцкі. Раённы суд Вены даў дазвол на прымусовае выкананне арбітражнай пастановы.
У рамках гэтай пастановы дазволена накласці абцяжаранне на больш за 20 аб'ектаў нерухомасці, якія належаць Расеі ў Аўстрыі. Агульны кошт гэтых актываў перавышае 120 мільёнаў еўраў. У далейшым яны могуць быць прададзены на аўкцыёне, а сродкі пойдуць на частковую кампенсацыю нанесенай шкоды.
Пазоў "Нафтагаза" да РФ быў пададзены яшчэ ў кастрычніку 2016 года. Кампанія патрабавала кампенсацыю за страту актываў у Крыме, якія былі экспрапрыяваныя пасля незаконнай анэксіі паўвострава. Гаворка ішла аб:
спецыяльных дазволах на карыстанне нетрамі;
абсталяванні, інфраструктуры і газасховішчах;
долях у газаправодах;
больш за 675 мільёнаў кубаметраў газу, які знаходзіўся ў крымскіх сховішчах.
У красавіку 2023 года трыбунал Пастаяннай палаты трацейскага суда ў Гаазе прыняў канчатковае рашэнне, што Расея павінна выплаціць «Нафтагазу» больш за $5 млрд. Расея спрабавала абскардзіць арбітражнае рашэнне, аднак Вярхоўны суд Нідэрландаў адхіліў касацыйную скаргу, пацвердзіўшы законнасць юрысдыкцыі трыбунала і абгрунтаванасць іску.
Нягледзячы на ўсе рашэнні, Расея добраахвотна плаціць не збіраецца, таму «Нафтагаз» запусціў міжнародную кампанію спагнання актываў праз суды ў розных юрысдыкцыях. Аўстрыя - адна з першых краін, дзе ўдалося дасягнуць практычнага выніку, абцяжарання расейскай маёмасці, што адкрывае шлях да яе продажу і кампенсацыі страт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
