TIME: Штучны інтэлект праводзіць сумоўе на працу

Ці ўсім падабаецца камунікаваць з машынай?

Усё часцей працаўнікі сутыкаюцца з тым, што гутарку на працу праводзіць не чалавек, а штучны інтэлект. Некаторыя кампаніі выкарыстоўваюць ШІ, каб скараціць выдаткі і паскорыць працэс найму, не заўсёды папярэджваючы кандыдатаў загадзя, піша часопіс TIME (пераклад - сайт Charter97.org).

Прэтэндэнты зазначаюць, што такі фармат здаецца халодным і безасабовым. Няма магчымасці наладзіць кантакт, пажартаваць ці адчуць эмоцыі суразмоўцы. Некаторыя нават перарываюць размову, заўважыўшы, што гавораць не з жывым чалавекам.

Кампаніі выкарыстоўваюць ШІ не толькі для інтэрв'ю, але і для аналізу рэзюмэ, адбору кандыдатаў і планавання сустрэч. Даследаванні паказваюць, што больш за 90% працадаўцаў лічаць гэтыя інструменты эфектыўнымі. Аднак экспэрты ў кар'еры падкрэсліваюць, што важна захаваць чалавечы элемент - менавіта ён фармуе першае ўражанне аб карпаратыўнай культуры.

У некаторых выпадках працаўнікі таксама выкарыстоўваюць ШІ, каб рыхтавацца да інтэрв'ю ці нават фармаваць адказы. Гэта выклікае асцярогі ў працадаўцаў, асабліва калі кандыдат не можа выйсці за рамкі завучаных шаблонаў.

Экспэрты папярэджваюць, што ШІ можа не толькі паскорыць працэс, але і ўзмацніць схаваныя прадузятасці, асабліва ў пытаннях полу і расы. Усё часцей гучаць заклікі да рэгулявання выкарыстання ШІ ў падборы персаналу. Пакуль жа многія кандыдаты працягваюць адчуваць дыскамфорт ад камунікацыі з машынай замест чалавека.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com