«Сітуацыя з правамі чалавека ў Беларусі застаецца жахлівай»

Праваабаронцы зрабілі заяву да пяцігоддзя пасля пачатку пратэстаў.

Пасля падзеяў 9 жніўня 2020 года сітуацыя з правамі чалавека ў Беларусі значна пагоршылася. Пра гэта гаворыцца ў заяве міжнароднай праваабарончай арганізацыі LIBERECO.

Праваабаронцы нагадваюць, што незалежныя беларускія СМІ і НДА ці распушчаныя, ці вымушаныя былі сысці ў падполле. Тым часам сілавыя структуры па-ранейшаму вядуць паляванне на ўдзельнікаў дэманстрацый, і амаль штодня людзі атрымліваюць позвы і падвяргаюцца прэвентыўнаму затрыманню, у тым ліку былыя палітычныя зняволеныя і іх сваякі.

«Сітуацыя з правамі чалавека ў Беларусі застаецца жахлівай, і большасць парушэнняў адбываецца ціха і таемна. Працягваецца крымінальны пераслед дысідэнтаў, удзельнікаў пратэстаў, журналістаў, праваабаронцаў і адвакатаў, а ў залах суда няма ні незалежных назіральнікаў, ні вартых гэтага імя адвакатаў. На шчасце, палітычныя зняволеныя час ад часу атрымліваюць памілаванне і вызваляюцца, або іх тэрміны заканчваюцца», - адзначае выканаўчы дырэктар LIBERECO у Нямеччыне Марка Фібер.

Агулам, нагадваюць у арганізацыі, з 2020 года праваабарончы цэнтр «Вясна» зафіксаваў 7239 абвінаваўчых прысудаў паводле палітычна матываваных крымінальных справаў. У турмах застаюцца 1184 палітычныя вязні, у тым ліку 37 журналістаў і 175 жанчын. Адмысловую трывогу выклікае стан здароўя зняволеных.

Грунтуючыся на сваёй падтрымцы больш за 300 былых зняволеных з 2020 года, LIBERECO зафіксавала, што здароўе вызваленых палітычных зняволеных пагаршаецца праз працяглае ўтрыманне пад вартай і нечалавечых умоў: сырых і халодных камер, недаядання, адсутнасці фізічнай актыўнасці і недахопу або поўнай адсутнасці.

«Усе без выключэння вызваленыя зняволеныя маюць сур'ёзныя фізічныя і псіхічныя пашкоджанні. Часцей за ўсё мы фіксуем захворванні зубоў, вачэй, нырак, суставаў, лёгкіх і страўнікава-кішэчнага тракту. Мы таксама назіраем рост колькасці выпадкаў раку і ВІЧ, якія або ўпершыню праявіліся, або пагоршыліся ў турме», - адзначае Марка Фібер.

У арганізацыі адзначаюць, што прынамсі восем палітычных зняволеных па-ранейшаму знаходзяцца ў рэжыме інкамунікада: Марыя Калеснікава, Максім Знак, Мікалай Статкевіч, Ігар Лосік, Віктар Бабарыка, Уладзімір Кніга, Аляксандр Арановіч і Аляксандр Францкевіч.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com