У Расеі пасля ўкраінскага нападу спыніўся буйны НПЗ

Навакуйбышаўскі НПЗ «Раснафты» не працуе з 2 жніўня.

Навакуйбышаўскі НПЗ «Раснафты» спыніў з 2 жніўня першасную перапрацоўку нафты пасля нападу беспілотных лётных апаратаў (БПЛА), паведамляе Reuters са спасылкай на дзве крыніцы ў галіне.

Буйныя расейскія НПЗ не цярпелі ад нападаў БПЛА з сакавіка 2025 года.

«Раснафта» аператыўна не падала каментар на запыт Reuters.

Паводле інфармацыі крыніцаў, у выніку атакі была пашкоджаная атмасферная (асноўная) калона ўстаноўкі першаснай перапрацоўкі нафты АВТ-11 Навакуйбышаўскага НПЗ.

На адным з відэа, размешчаным у сацсетках, таксама заўважнае загаранне на атмасфернай калоне АВТ-11.

Завод мае дзве ўстаноўкі: АВТ-11 магутнасцю 18.900 тонаў за дзень, АВТ-9 магутнасцю 4.700 тонаў за дзень.

АВТ-9 завод планаваў спыніць на капітальны планавы рамонт з пачатку жніўня да пачатку верасня.

На ацэнку крыніцаў, у апошні час перапрацоўка нафтавай сыравіны на Навакуйбышаўскім НПЗ складала блізу 18000 тонаў за дзень.

Навакуйбышаўскі НПЗ перапрацаваў у 2024 годзе 5,74 мільёна тонаў нафтавай сыравіны, вырабіў аўтабензіну 1,10 мільёна тонаў, дызпаліва – 1,64 мільёна тонаў, мазуту – 1,27 мільёна тонаў, паводле звестак крыніцаў у галіне.

Магутнасць Навакуйбышаўскага НПЗ, найбольш абсталяванага ў самарскай групе «Раснафты», складае 8,3 мільёна тонаў нафты за год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com