Amnesty International заклікае Польшчу спрасціць легалізацыю беларусаў

Міжнародная праваабарончая арганізацыя просіць улады краіны зрабіць праязны дакумент для беларусаў трохгадовым.

Спрасціць легалізацыю ў Польшчы для беларусаў заклікае міжнародная праваабарончая арганізацыя Amnesty International. Адна з рэкамендацый – падоўжыць тэрмін дзеяння польскага праязнога дакумента для замежнікаў з аднаго да трох гадоў, паведамляе Беларуская служба «Польскага радыё».

Праваабаронцы нагадваюць, што многія беларусы на эміграцыі пасля ўказу Лукашэнкі апынуліся без дзейных дакументаў і стаяць перад выбарам: вярнуцца ў Беларусь з рызыкай трапіць пад затрыманні або заставацца ў Польшчы без статусу.

«Людзі без дакументаў не могуць працаваць, пайсці да лекара ці нават узяць шлюб. Гэта жыццё ў прававым вакууме. Са жніўня ініцыятыва распачынае кампанію на карысць беларусаў у Польшчы. Адна з рэкамендацый – падоўжыць польскі дакумент падарожжа для беларусаў мінімум да трох гадоў», – каментуе сітуацыю праваабаронца Amnesty International Poland Іяана Расткоўска.

Паводле ейных словаў, арганізацыя звярнулася да МЗС Польшчы з просьбай распрацаваць дакументы для легалізацыі народжаных у Польшчы дзяцей грамадзянаў Беларусі. Цяпер такія дзеці фактычна не маюць дзяржаўнай прыналежнасці, падкрэслівае Расткоўска.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com