Японія перажывае анамальную спякоту

У краіне за дзень пабіта 17 тэмпературных рэкордаў.

У панядзелак у Японіі зафіксавана 17 новых тэмпературных рэкордаў – краіна прадаўжае пакутаваць ад анамальнай спякоты, паведамляецца на сайце Phys.org са спасылкай на Японскае метэаралагічнае агенцтва (JMA).

Самая высокая тэмпература дня – 40,3°C – была зафіксаваная ў горадзе Камацу ў прэфектуры Ісікава. Гэта абсалютны максімум для рэгіёну. У суседнім горадзе Таяма слупкі тэрмометраў падняліся да 39,8°C – таксама рэкордны паказнік за ўсю гісторыю назіранняў.

Яшчэ 15 гарадоў і пасёлкаў па ўсёй краіне ўстанавілі ўласныя максімумы, тэмпература там вагалася ад 35,7 да 39,8°C. Усяго агенцтва вядзе маніторынг больш як 900 пунктаў па ўсёй Японіі.

Гэтая хваля спякоты накрыла краіну пасля таго, як чэрвень і ліпень 2025 года сталі самымі гарачымі з пачатку метэаназіранняў у 1898 годзе. 30 ліпеня ў прэфектуры Хіёга была зафіксаваная рэкордная тэмпература для ўсёй Японіі – 41,2°C.

Анамаліі не абмяжоўваюцца толькі тэмпературай паветра. Сезон дажджоў у заходняй частцы краіны закончыўся амаль на тры тыдні раней, чым звычайна, а ў паўночных раёнах узровень вады ў вадасховішчах упаў да крытычнага мінімуму. Міністэрства зямель, інфраструктуры і транспарту папярэджвае: засуха і спякота могуць сур'ёзна паўплываць на ўраджай.

Навукоўцы таксама зважаюць на іншыя кліматычныя змены: цвіценне сакуры адбываецца ўсё раней, альбо зусім не надыходзіць, паколькі восень і зіма больш не прыносяць неабходнага астуджэння. А снежная шапка на гары Фудзі летась з'явілася толькі ў лістападзе – на месяц пазней за звычайны тэрмін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com