На польскай мяжы спынілі беларуса з вялікай аптэчкай

Сярод іх былі, між іншым, антыбіётыкі.

Беларус вёз у Польшчу буйную партыю лекаў. На мяжы яго затрымалі, а таблеткі забралі.

Польскія мытнікі праверылі аўтамабіль мужчыны і знайшлі больш за 270 блістэраў і туб розных лекавых прэпаратаў. Сярод іх былі, між іншым, антыбіётыкі для лячэння рэспіраторных інфекцый, страўнікава-кішэчных інфекцый, прэпараты ад цыстыту, для падстраўнікавай залозы і абязбольвальныя.

Іх схавалі ў багажніку, а таксама ў спінцы і падгалоўніках аўтамабіля. Беларус патлумачыў, што перавозіў лекі для сябра ў Польшчы.

Лекі канфіскавалі, у дачыненні да мужчыны распачалі крымінальную справу за спробу кантрабанды. Пасля пастановы суда прэпараты знішчаць.

Увозіць лекі ў Польшчу можна толькі для асабістага карыстання і не больш за пяць упаковак аднаго прэпарата. Для прэпаратаў з наркатычнымі і псіхатропнымі рэчывамі трэба спецыяльны дазвол.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com