Брытанская паліцыя атрымала 500 тысяч фунтаў стэрлінгаў прыбытку ад біткоінаў

Як гэта адбылося.

У Вялікабрытаніі паліцыя графства Ланкашыр атрымала прыбытак у памеры 500 тыс.фунтаў стэрлінгаў (665 тыс. даляраў) ад канфіскаваных біткоінаў. Як паведамілі праваахоўнікі, злодзеі скралі грошы і перавялі іх у біткоіны некалькі гадоў таму. Паліцыя канфіскавала іх і прадала цераз гады,такім чынам кампенсавала шкоду ахвяры і засталася ў плюсе.

Расследаванне крадзяжу грошай пачалося яшчэ ў снежні 2017 года. Выявілі, што злачынцы перавялі грошы ў біткоіны. Злодзеяў злавілі і асудзілі, а крыптавалюту “замарозілі”. Але паколькі за гады разбору кошт біткоіна вырас, выручка ад продажу істотна перавысіла кошт выкрадзенага.

Адзначаюць, што пацярпелы атрымаў кампенсацыю ў поўным аб'ёме, а паколькі закон не дазваляе ў гэтым выпадку пераплачваць, у распараджэнні паліцыі застаўся ? 1 млн ( 1, 3 млню даляраў). Суд пастанавіў, што атрыманыя сродкі павінны быць пароўну падзелены паміж Міністэрствам унутраных спраў і аддзелам у Ланкашыры.

"Нетыпова, каб кошт маёмасці, здабытай злачынным шляхам, перавышаў кошт падчас злачынства, але гэта дазволіла нам поўнасцю выплаціць кампенсацыю ахвяры, а астатнія сродкі могуць быць выкарыстаныя дзеля зніжэння ўзроўню злачыннасці", — заявілі ў паліцыі Ланкашыра.

У падраздзяленні растлумачылі, што сродкі будуць рэінвеставаныя ў барацьбу са злачыннасцю - укладзеныя ў спецыяльна створаны для гэтага фонд з канфіскаваных актываў. Паводле заявы, сродкі фонду раней накіроўвалі на фінансаванне абсталявання, такога як дроны і прылады для блакіроўкі спам-званкоў, а таксама на падтрымку праектаў, накіраваных на барацьбу з антыграмадскімі паводзінамі.

Улады Вялікабрытаніі шмат гадоў практыкуюць канфіскацыю крыптавалюты. Так, у 2021 годзе Лонданская паліцыя канфіскавала крыптавалюту на 250 млн. даляраў падчас расследавання міжнароднай схемы адмывання грошай, у 2024 годзе - на 1,77 млрд. даляраў ў справе аб фінансавай афёры ў Кітаі.

Раней брытанскія праваахоўнікі прадавалі канфіскаваныя крыптаактывы на аўкцыёнах. Таксама праз таргі рэалізоўвалі біткоіны,якія канфіскавалі ў злачынцаў бельгійскія органы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com