Памёр былы прэзыдэнт Румыніі Ён Іліеску
7- 5.08.2025, 19:10
- 4,916
Ён адыграў важную ролю ў звяржэнні рэжыму Чаўшэску.
Былы прэзідэнт Румыніі Іён Іліеску памёр пасля амаль двух месяцаў лекавання ў шпіталі, паведаміў урад. Яму было 95 гадоў.
«З глыбокім смуткам паведамляем пра смерць былога прэзідэнта Румыніі Ёна Іліеску. Былы прэзідэнт Румыніі памёр сёння, 5 жніўня 2025 года, у клінічным шпіталі неадкладнай дапамогі імя прафесара Агрыпы Янэску. Урад Румыніі выказвае спачуванні сям'і і ўсім блізкім», - гаворыцца ў паведамленні.
Паводле звестак медыцынскага цэнтра, смерць наступіла а 15:55 па мясцовым часе (супадае з менскім). Прадстаўнікі шпіталя адзначылі, што на працягу 57 дзён шпіталізацыі былога прэзідэнта Румыніі ўрачы прыкладалі ўсе намаганні, каб забяспечыць яму неабходны догляд і лячэнне.
Прэм'ер-міністр Румыніі Іліе Балажан адзначыў, што ў перыяд праўлення Іліеску былі прынятыя пастановы, якія аказалі значны ўплыў на развіццё Румыніі Гэта Снагаўская дэкларацыя і закон аб пераглядзе Канстытуцыі. Ва ўрадзе ўдакладнілі, што падрабязнасці праграмы цырымоніі развітання, арганізаванай у гонар былога кіраўніка дзяржавы паведамяць пазней.
Іліеску нарадзіўся 3 сакавіка 1930 года ў невялікім румынскім гарадку Алтэніца. Пасля заканчэння Бухарэсцкага політэхнічнага інстытута і Маскоўскага энергетычнага інстытута ў 1950-х заняўся палітыкай і ўступіў у Румынскую камуністычную партыю. Прэзідэнтам Румыніі Іліеску станавіўся двойчы: у 1990-1996 гадах пасля падзення ўлады Мікалае Чаўшэску і ў 2000-2004 гадах. У пачатку чэрвеня 2025 года ён патрапіў у рэанімацыю, дзе дыягнаставалі рак лёгкіх. З таго часу экс-прэзідэнт знаходзіўся ў рэанімацыі пад наглядам лекараў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
