Ультыматум заканчваецца: ЗША рыхтуюць удар па РФ

Стала вядома, які ход разглядаюць у адміністрацыі Трампа.

Адміністрацыя прэзідэнта ЗША Дональда Трампа разглядае магчымасць увядзення дадатковых санкцый у дачыненні да "ценявога флоту" расейскіх нафтавых танкераў, калі расейскі лідар Уладзімір Пуцін не пагодзіцца на спыненне агню ва Украіне да пятніцы, 8 жніўня. Аб гэтым піша Financial Times (FT).

Уключэнне судоў гэтага флоту ў чорны спіс стане першым выпадкам увядзення ЗША санкцый супраць Масквы з моманту вяртання Трампа ў Белы дом. Расея выкарыстоўвае ценявы флот, які складаецца ў асноўным са старых танкераў, для транспартавання нафты ва ўсім свеце, спрабуючы абысці заходнія абмежаванні, уведзеныя пасля поўнамаштабнага расейскага ўварвання ва Украіну ў 2022 годзе. Даходы ад экспарту гэтай нафты дапамагаюць фінансаваць вайну.

У артыкуле FT гаворыцца, што санкцыі супраць танкераў паказалі сваю эфэктыўнасць. Праведзены выданнем аналіз 115 танкераў, якія патрапілі пад санкцыі ЗША за перавозку расейскай нафты, сведчыць аб тым, што частата выкарыстання суднаў значна знізілася. Аднак санкцыі супраць танкераў не будуць падштурхоўваць да поўнай адмовы ад расейскай нафты, як 100% мыты для краін-пакупнікоў.

Крэмль праігнараваў шэраг тэрмінаў, устаноўленых прэзідэнтам ЗША для пагаднення аб спыненні агню, і ў апошнія тыдні значна ўзмацніў свае атакі на Украіну. Трамп усё больш расчароўваецца ў сваім расейскім калегу, і людзі, блізкія да адміністрацыі, заявілі, што "Масква паплаціцца, калі не сядзе за стол перамоў".

Са слоў крыніцы, блізкай да адміністрацыі Трампа, канчатковая пастанова аб далейшых мерах супраць Масквы будзе прынятая пасля вяртання ў Вашынгтон спецпасланніка Уіткофа."Усё будзе залежаць ад таго, з чым ён вернецца. Калі ён вернецца ні з чым, Трамп будзе ў лютасці", - сказала крыніца FT.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com